Friday, January 20, 2023 - , , , , , , , 0 comments

నేటి బంధాలు


 

Saturday, December 24, 2022 - , , , , , , , 0 comments

విలువలు - ఉలవలు


మనం బాగున్నప్పుడు లెక్కలు మాట్లాడి
ఇబ్బందుల్లో ఉన్నప్పుడు  విలువలు,
 ఉల్వలు  అంటూ మాట్లాడకూడదు
మనిషికి ఇచ్చే విలువ 
ఎప్పుడు ఒకేలా ఉండాలి
స్థాయిని బట్టి,
 డబ్బుని బట్టి మారకూడదు
-న💚దు
Thursday, December 08, 2022 - , , , , , , , 1 comments

మనం అనర్హులం

మనం పుట్టినప్పటి నుండి 
తను చనిపోయే వరకు 
మన గురించే ఆలోచించే 
మన అమ్మ గురించి 
ఎన్నడూ సరిగ్గా పట్టించుకోని మనం, 
మాతృదినోత్సవం జరుపుకోవటానికే కాదు 

మాట్లాడుకోవటానికిి కూడా అనర్హులం..!!!
-నందు
#HappyMothersDay
#MothersDay
#TheOtherSide
Wednesday, November 10, 2021 - , , , , , , 0 comments

ఉండి లేనట్లు


జీవితంలో అందరు ఉన్నప్పుడు, 
అన్ని ఉన్నపుడు బాగానే ఉంటుంది 
ఎవ్వరు లేనప్పుడు ,
ఏమి లేనప్పుడు కూడా బాగానే ఉంటుంది 
కానీ ఎప్పుడైతే 
అందరు ఉండి ఉండనట్లు, 
అన్నిఉండి, లేనట్లు ఉంటుందో 
దాన్ని మించిన నరకం ఇంకోటి ఉండదు...!! 
-నందు.  
08-03-2020  
Friday, June 25, 2021 - , , , , , , , , 0 comments

శెలవు మిత్రమా !

నిజమే ! 
తెలిసే బంధమనే ఆ చట్రంలో ఇరుక్కున్నావు, 
ఇప్పుడు అనుభవిస్తున్నావు, 
తప్పదు బయటికి రావాలి 
కాదు కాదు దూరంగా రావాలి
ఎదుటివాళ్ళు  
నువ్వు, నీ అస్థిత్వంలేని 
ప్రశాంత వాతావరణాన్ని 
కోరుకుంటున్నపుడు 
నువ్వు మౌనంగా వెళ్లిపోవటమే ఉత్తమం. 
అక్కడా తప్పు నీదా,
వేరే వాళ్ళదా లేక 
ఎవరి వల్ల  తప్పు జరుగుతుందనే 
విషయాలిప్పుడు అనవసరం... 
నువ్వే ఒక సమస్య అయినపుడు 
సమాధానం కూడా నువ్వే చెప్పాలి 
ఆ సమ్యసనీ తీర్చనప్పుడు 
కనీసం అసమస్యకీ 
దూరంగా అయినా ఉండాలి  
ఇంకెన్నాళ్లు ఇలానే ?
కొత్తగా ఏమి నేర్చుకుంటున్నట్లు ?
ప్రతి సారి ఇదే తప్పు, ఇదే గుణపాఠం !!
తప్పు చేయటం అలవాటయ్యిందా లేక ?
 గుణపాఠాన్ని నీ జీవితం అలవాటు పడిందా ??
నువ్వు చెయ్యాలనుకున్నదొకటి, 
అక్కడ జరిగేదింకొటి,
పరిస్థితులు పగబట్టినట్లు ప్రవర్తిస్తే 
నువ్వెప్పటికీ నిన్ను నిరూపించుకోలేవు 
నిన్ను నువ్వు నిరూపించుకోవాల్సిన 
అవసరమే లేదక్కడ 
అర్థంచేసుకునే పరిస్థితులు లేనప్పుడు,
రావని తెలిసినప్పుడు  
అక్కడ ఉండటమే అనవసరం...!! 
నీ కోపాన్ని ఆవేశాన్ని,అన్నింటిని 
మౌనంగా మడిచి 
జేబులో పెట్టుకుని వెళ్ళిపో  
చాలిక వెళ్ళు  !! 
శెలవు మిత్రమా !
-నందు. 
08-03-2020  
Wednesday, June 16, 2021 - , , , , 0 comments

విలువ

10-02-2020  
వస్తువు విలువ పోతేనో, 
పాడైపోతేనో తెలుస్తుంది 
మనిషి విలువ కూడా
దూరమైపోతేనో 
చనిపోతేనో తెలుస్తుంది 
-నందు. 
Friday, March 26, 2021 - 0 comments

ప్రేమ - ప్రేమ

గుండె పగిలిన క్షణాలను, 
గుక్క పెట్టి ఏడ్చే ఎన్నో క్షణాలను, 
ఒక్కోసారి పంటికింద బిగిపట్టి 
మూలకి కూర్చోబెట్టేదే  'ప్రేమ' 
-నందు
Saturday, March 13, 2021 - 0 comments

బంగారు తెలంగాణ !!

తెలంగాణ కోసం ఉద్యమాలు ముగిశాక 
ఇక మీదట తెలంగాణ బందులు ఉండవని 
పిల్లలు మంచిగా చదువుకుని 
ఉద్యోగ పరీక్షలకి సిద్దమవుతారని ఆశపడ్డం...
మన ప్రాంత ఉద్యోగులకి మంచి పదోన్నతులు వచ్చి 
మరిన్ని ఉద్యోగాల కల్పన జరుగుతుందని నమ్మినం...

ఇప్పుడు గత అయిదేండ్లల్ల కనీసం యాభై వేల ఉద్యోగాలు ఇయ్యకపోయిరి,
ఉద్యోగులకి కనీసం ఉద్యోగ భద్రతనివ్వకపోయిరి
నిధులెన్ని పక్కదారులు పట్టయో తెలియదు...
కనీసం అపుడు తెలంగాణ ప్రాంతానికి అన్యాయం జరిగిందని అడిగే హక్కు అయినా ఉండేది, 
ఇపుడు అడిగే వాడేమో తెలంగాణ ద్రోహిగా చిత్రీకరించబడుతున్నడు..
ఉద్యమంలో ఏనాడు పాల్గొనని మేధావులు కూడా 
బంగారు తెలంగాణ బంగారు తెలంగాణ అంటూ 
బత్తాయిలను సంతృప్తి పరుస్తున్నారు....

ఉద్యమం చేసిన విద్యార్థులను పట్టించుకోకపోతిరి,
ఉద్యమం చేసిన ఉద్యోగులను పట్టించుకోకపోతిరి,
ఉద్యమం చేసిన ఎంతోమంది తెలంగాణ వాదులను పట్టించుకోకపోతిరి....
ఇంతమంది ఉసురు పోసుకుని 
తెలంగాణ ప్రభుత్వంలో ఉన్నొల్లు ఏం సాధించినట్లు ??
మీరు గద్దెనెక్కి తైతక్కలాడనికేనా ??
మీ గుమస్తాలకి, బానిసలకి బినామీ ఆస్తులు కూడబెట్టటానికా ??
మీరిట్లే నిమ్మకు నీరెత్తినట్టు ఉంటే ఇంకో ఉద్యమం తప్పదేమో ??

-న💚దు
13-10-19
Tuesday, March 09, 2021 - 0 comments

మునికాంతపల్లి కతలు:

మునికాంతపల్లి కతలు:
ఇవి మునికాంత పల్లి కథలు అని కాకుండా ప్రతి పల్లెలోని కథలు అనొచ్చేమో, ముఖ్యంగా ప్రతీ పల్లే లోని దిగువ మధ్య తరగతి కధలు అనొచ్చెమో...
ఇందులోని కథలను చదువుతున్నపుడు అరెరే మనకు ఇలానే జరిగిందే, మనము ఇలాంటివి చుసామే, మనలో కూడా ఇలాంటి వారున్నారే అనిపిస్తుంది, ఎందుకంటే ప్రతి పల్లెలో ప్రతి గడపలో జరిగే ఘర్షణలే ఈ మునికాంత పల్లి కథలు....
తెలిసి తెలియని వయసులో ప్రేమలో ఉన్నప్పుడు మనలో ఉండే ఆకర్షణ 'ఇంటికి ఏంజిలోస్తుందాది' లో కనబడుతుంది...
ఇప్పుడంటే అందరికి నీటి కొలాయిలు, ఇంట్లోనే బోరుమోటార్లు ఉన్నాయి కానీ చిన్నప్పుడు పల్లెటూర్లలో రెండు మూడు రోజులకో, వారానికోసారో నీల్లొచ్చేవి, కోళాయిలు కూడా వీదికి ఒకటో రెండో ఉండేటివి, ఇప్పుడు పూర్తిగా అంతరించి పోతున్న కళ అయినటువంటి వీధి కొళాయి దగ్గరే కొట్లాటను '*ఈది కులాయి ఈరోయిన్లు*' లో కళ్ళకు కట్టినట్లు చూపెట్టాడు సొలొమోను విజయ్ కుమారనే కవి.
ఇప్పుడు కూడా కులాల కోసం మతాల కోసం కొట్టుకు చూస్తున్నారు కొంత మంది కానీ అప్పట్లో వేరే కులం వేరే మతం లో ప్రేమ వ్యవహారాలంటే ఊరంతా ఇదే ముచ్చట నడిచేది అట్లాంటి ప్రేమలను ' ఫాతిమా' , మాల పిల్ల, మాదిగి పిల్లోడు' లో కనిపిస్తుంది,
ఎక్కడో చిన్న పల్లెటూర్లో పుట్టి పెరిగి, కనీస వసతులు లేకుండా చదువుకుని గొప్పగొప్ప స్థానాల్లో నిలిచిన ఎంతో మంది పేదింటి దీపాల కథే 'ఈరో నాగార్జున గాడ్ని బడ్లో ఎస్తుండారు'.
మనేమెప్పుడు వేటకెళ్ళే రాజుల గురించి చదివామే కానీ,
ప్రతి ఊర్లో అడవి పందుల్ని దైర్యంగా ఎంతో మంది మొనగాళ్ల గురించి మనకు తెలిసిన కథనే కొత్తగా చెప్పాడు ' అడవి పందిని కొట్టే మొనగాళ్లు' లో...
ఇలా చెప్పుకుంటూ పోతే
దేశ దిమ్మరి కాశయ్య
పియ్యేత్తే మదిగి సుబ్బులు
మా పెంచిలావ్వ
అవ్వ చెప్పిన వాన కథ
బొమ్మలాటోళ్ళ సెర్చి ఆరాధన
ఎంగిలోడు
పురుషోత్తం మావ బాప్తిసం
వోవదూత మొండిగుద్దల సావి
ప్రేమించి పిచ్చొడయిన రఘువ రెడ్డి కతయిన ' నక్కలోళ్ళ బిజిలీ' లాంటి కథలెన్నో మనకి తారస పడతాయి ఈ కతలలో...
చదవటానికి పూర్తిగా నెల్లూరు జిల్లా మండలికంలో ఉన్నా సులువుగానే అర్థం అవుతాయి..
దిగువ మధ్య తరగతి ప్రజల్లో సాధారణంగా జరిగే సంభాషణలను, సన్నివేశాలను సులువుగా వ్యక్తీకరంచాడు కవి ఈ పుస్తకంలో...
నిజంగానే మన కధలు అనేంతగా ఆకట్టుకుంటాయి
ఈ మునికాంత పల్లి కతలు....
-నందు.

#మునికాంతపల్లికతలు

#munikanthapallikathalu

#TeluguStories 

#Review


#bookreview 

#bookreviewblogger




Saturday, May 16, 2020 - , , , , , , , , 0 comments

ప్రయాణం - బంధం 


ఒక బంధాన్ని గాని,
ప్రయాణాన్ని గాని, 
ఇద్దరు మొదలుపెట్టినప్పుడు,
ఆ ప్రయాణంలో ఉండాలా వద్ద అనేది 
ఇద్దరు కలిసి ఒక అభిప్రాయానికి రావాలి 
అప్పుడే ప్రయాణమైనా, 
బంధమైనా సాఫీగా ఉంటుంది 
లేదంటే ఏ దారి  లేని ఎడారిలోనో 
గోదారిలోనో కలిసిపోతుంది 
-న💚దు 
08-03-2020





Subscribe to: Comments (Atom)