నేను-నా ఫీలింగ్స్...!!!: 2019

Friday, December 27, 2019 -

కథలు, కవితలు, జీవితం, తెలుగు, నందు, నిజాలు, ఫీలింగ్స్, బాధ, సత్యాలు

0 comments

దూరంగా - దగ్గరగా

నువ్వు దూరంగా ఉన్నప్పుడు

నీ విలువ తెలిసిరాకపోతే

నువ్వు దగ్గరగా ఉన్నా కూడా

ఏమి ప్రయోజనం ఉండదు..!

-న💚దు

Friday, December 20, 2019 -

Nandu Writings, కవితలు, జీవితం, తెలుగు, తెలుగు కవితలు, ఫీలింగ్స్, బాధ, సత్యాలు

2 comments

ప్రజల కోసం నిలబడే వాడే రాజు ..!!

మన రాజ్యం మనకి కావాలని

అందరం కలిసి కొట్లాడినం

మన రాజు మనకుండాలని

మనొడినే రాజుని చేసినం

రాజ్య పాలన పక్కగా

ఉంటదని సంబురపడ్డం

మన రాజ్యం మనకొచ్చింది

మన రాజే మనల్ని ఏలుతుండు

పరిపాలనేమో పక్క దారి పట్టింది....

రాజ్యపాలన కాస్త రాజకీయ పాలన అయ్యింది

ఆనాడు ప్రాణాలకి తెగించి కొట్లాడిన

ఎంతో మంది వీరులు నేడు,

నీడ కూడా లేకుండా పోయారు

రాజేమో దర్బార్లోచి బయటికి రాడు.!

సేనాధిపతి, మంత్రులేమో

చిడతలు వాహించటం మానరు.!!

బంధువులకు, రాబందులకు దోచిపెట్టటానికా

రాజ్యం కోసం యుద్దాలు, ప్రాణ త్యాగాలు చేసింది ??

రాజంటే యుద్దాలు చేయటం, గెలవడమే కాదు

గెలిచిన రాజ్యం, ప్రజల కోసం నిలబడగలగాలి కూడా..!!

చరిత్రలో ఎంతో మంది రాజులున్నారు,

ఎంత గొప్ప రాజైనా గర్వం తలకెక్కిన ప్రతిసారి

స్మశాన్నాళ్లో జ్ఞాపకాలుగానే మిగిలిపోయారు

కానీ ప్రజల గుండెల్లో మాత్రం కాదు

ఇది చరిత్ర కాదనలేని సత్యం..!!!

- న💚దు

Tuesday, December 17, 2019 -

కవితలు, జీవితం, తెలుగు, నందు, నిజాలు, ప్రేమ, ప్రేమలు రకాలు, ఫీలింగ్స్, సత్యాలు

0 comments

సరే వెళ్ళు !!

సరే వెళ్ళు !!

వచ్చిపోయే 'వాన'లా నువ్వుంటే

ఎదురుచూసే 'నేల'లా నేనుంటా..!!

- న♥️దు

Friday, November 29, 2019 -

కవితలు, తెలుగు, తెలుగు కవితలు, నందు, నిజాలు, ప్రత్యేకం, ఫీలింగ్స్, సత్యాలు

0 comments

సమాధానం తెలిసిన ప్రశ్న !!

సమాధానం తెలియనప్పుడు

మనం ఎన్ని సార్లు ప్రశ్నించినా,

వెతికినా అర్ధముంటుంది...

కానీ సమాధానం ఇదే

అని తెలిసినప్పుడు

ఆ ప్రశ్న గురించి

ఆలోచింకేకపోవటమే మంచిది..!!

సమాధానం తెలిసినా కూడా

అదే ఆలోచిస్తున్నామంటే

మన కంటే మూర్ఖులు

ఇంకెవ్వరు ఉండకపోవచ్చు

- నందు

Friday, November 15, 2019 -

Nandu Writings, కవితలు, జీవితం, తెలుగు కవితలు, నందు, నిజాలు, ప్రత్యేకం, ఫీలింగ్స్, బాధ

0 comments

బ్రతికున్నప్పుడు లేని బంధాలు

బ్రతికున్నప్పుడు ఒకరి మొహం

ఒకరు చూసుకోలేనంతగా బ్రతికి ,

పలకరిస్తే మొహం తిప్పుకుని తిరిగి,

చచ్చాక మాత్రం చివరి చూపులకి

ఆరాటపడటం ఎందుకు ??

తన ఆత్మ శాంతించదనా ?

లేక నీ అంతరాత్మ సంతృప్తి చెందదనా ??

బ్రతికున్నప్పుడు లేని బంధాలు

చచ్చాక మాత్రం ఎందుకు ??

- న☹️దు

Monday, November 04, 2019 -

Nandu Writings, అమ్మ, కవితలు, ప్రత్యేకం, ప్రేమలు రకాలు, ఫీలింగ్స్, సత్యాలు

0 comments

అమ్మలింతే పిచ్చోళ్లు !

అమ్మ:

ఈ అమ్మలింతే పిచ్చోళ్లు !

పిల్లలు అల్లరి చేస్తే

లాగిపెట్టి ఒక్కటిస్తారు

ఏడ్వడం మొదలుపెట్టే లోపే

దగ్గరకి లాక్కుని లాలిస్తారు.

పిల్లల్ని ప్రేమించటానికి మించిన

వ్యాపకం మరోకటి ఉండదేమో !!

- న💚దు

01.11.2019.

Monday, October 21, 2019 -

Nandu Writings, జీవితం, తెలుగు కవితలు, నందు, నిజాలు, ప్రత్యేకం, సత్యాలు

0 comments

రియాలిటీ చెక్

రియాలిటీ చెక్:

1.'కొన్నిసార్లు' మనుషులకంటే
వస్తువులకే విలువివ్వాలి !!
ఎందుకంటే
వర్షంలో నువ్వు తడిస్తే వచ్చే
జలుబుకయ్యే ఖర్చుకంటే
నీ కంపెనీ ఇచ్చిన లాప్టాప్ తడిస్తే
అయ్యే ఖర్చే ఎక్కువ.!!

2. చిన్నప్పుడు తమ పిల్లల్ని
శ్రీ కృషుడి వేషాల్లో చూసి
మురిసిపోతారు.!
అదే పెద్దయ్యాక కృషుడి
వేషాలు వేస్తే
తోలు తీస్తారు..!!

-నందు

Friday, September 27, 2019 -

Nandu Writings, జీవితం, తెలుగు, తెలుగు కవితలు, నందు, నిజాలు, ఫీలింగ్స్, సత్యాలు

0 comments

దెబ్బతిన్న శిథిలాలు..!!

దెబ్బతిని మిగిలిపోయిన

శిథిలాల కింద

ఏ జీవం ఉండదు,

కొన్ని జ్ఞాపకాలు మాత్రమే ఉంటాయి

గత చరిత్రను

గుర్తుచేయటానికి

భావితరాలను

జాగురూక పరచటానికి

-నందు

Tuesday, September 17, 2019 -

Nandu Writings, కవితలు, జీవితం, నందు, నిజాలు, ప్రత్యేకం, ఫీలింగ్స్, సత్యాలు

0 comments

నచ్చనితనం !!

నచ్చని మనిషి,

నచ్చని వస్తువు,

అంటూ దూరం చేసుకుంటు ఉంటే

ఏదో ఒకరోజు

మనకు మనమే నచ్చని పరిస్థితి రావొచ్చు !!

అప్పుడేం చేస్తాం ???

అందుకే కుదిరితే

మనుషులతో కలుపుకుని పోవాలి..!

వస్తువులతో సర్దుకుపోవాలి..!!

-నందు

Friday, August 02, 2019 -

జీవితం, తెలుగు కవితలు, నందు, నిజాలు, ప్రత్యేకం, ఫీలింగ్స్, సత్యాలు

1 comments

జ్ఞాపకాలు

మనిషి జీవితంలో
మంచివో చెడ్డవో

కొన్ని జ్ఞాపకాలుంటాయ్

కొన్నిటిని మరువక తప్పదు

కొన్నింటిని విడువక తప్పదు

కానీ కొన్నింటితో
మాత్రం కలిసి బ్రతకక తప్పదు

-నందు

Thursday, July 25, 2019 -

కవితలు, జీవితం, తెలుగు కవితలు, నందు, ప్రత్యేకం, ఫీలింగ్స్, బాధ, సత్యాలు

0 comments

జ్ఞాపకాల విలువెంత ?

జ్ఞాపకాల విలువెంత ??

ఒక తరం మర్చిపోలేనంత..!

ఇంకో తరం గుర్తుపెట్టుకునేటంత..!!

ముందు తరానికి గుర్తు చేసేటంత..!!!

-నందు

Wednesday, July 17, 2019 -

కవితలు, జీవితం, తెలుగు, నందు, నిజాలు, ప్రత్యేకం, ఫీలింగ్స్, సత్యాలు

0 comments

కార్పొరేట్ కొలువులు,
ఖరీదైన చదువులు,
కల్మషమైన మనసులు,
కల్తీయైన వ్యాపారాలు,
ప్రేమ లేని పలకరింపులు,
అనురాగల్లేని అనుబంధాలు,
ఏ పుట్టినరోజుకో, పెళ్లిరోజుకో
వచ్చే పక్కింటి నుండి పిలుపులు,
పదేళ్లు పక్క పక్కనే ఉన్నా
ఆత్మీయత లేని పలకరింపులు,
ఎన్నో ఆశలతో బ్రతికే
మధ్య తరగతి జీవితాలు
ఇవే ఉంటాయి పట్టణాల్లో ..!!

పల్లెల్లో ఏముంది అనుకుని
పట్నం వచ్చాక
పల్లెల విలువ తెలిసొస్తుంది
పట్టణాల్లో పెద్ద పెద్ద అపార్టుమెంట్లలో ఉన్నా కూడ
సొంతఊర్లలో పాతింట్లో ఉన్నప్పటి
ప్రశాంతత ఉండదు మనకి..!

ఉన్నామా తిన్నామా లేదా అని
పలకిరించే నాధుడుండడు,
చిన్ననాటి మిత్రుడో,
లేదా ఊర్లో వ్యక్తో కనిపిస్తే
మాటల్లో పడి
కాలమే మర్చిపోతాం.. !

పల్లెటూర్లో ఉంటె పొద్దున్న
తెల్లారినప్పటి నుండి
రాత్రి వరకు ఎవరో ఒకరు
తారసపడుతూనే ఉంటారు
ఎలాంటి సంబంధాల్లేకున్నా
పేర్లకంటే ఎక్కువ
వరసలతోనే పిలుచుకుంటారు..!!

ప్రపంచీకరణ,
ఆధునికత,
బతుకుదెవురువంటు
రకరకాల కారణాలతో
పట్టణాల్లో ఉంటున్నాం గాని
పల్లెలకంటే సంతోషమైన జీవితం
పట్టణాల్లో ఎక్కడిది ??

పదేళ్ళకొక్కసారి సొంతూరికి వెళ్లినా
ఎప్పురొచ్చావురా అని పలకరించే వాళ్ళు
చాలా మందే ఉంటారు
అదే పట్నంలో పదేళ్లు పక్క పక్కనే ఉన్నా
కలిసే ఉన్నామన్న ఫీలింగ్ ఉండదు...!!

పల్లెటూర్లో భూములు, ఆస్తులు
ఉన్నా లేకపోయినా
జీవం,జీవితం రెండు ఉంటాయి
ఇది అక్కడ పుట్టిపెరిగిన ప్రతివారికి
బాగా అర్థం అవుతాయి ☹☹️

-నందు

17.07. 19

Monday, June 03, 2019 -

కవితలు, జీవితం, తెలుగు కవితలు, నందు, నిజాలు, ప్రత్యేకం, ప్రేమ, ఫీలింగ్స్, బాధ

1 comments

గతం తాలూకు జ్ఞాపకాలు...!!!!

ఎన్నేళ్ళయిందో మనిద్దరం కలిసి

కానీ నిన్ననే చూసినట్లుంది

ఎం మాట్లాడామో గుర్తురావట్లేదు

కానీ ఇందాకే పలకరించినట్లుంది

నీ సాంగత్యం కోసం ఎదురు చుసిన బస్టాండ్లు,

కాలేజీలోని జ్ఞాపకాలింకా

కళ్ళ ముందు కదులుతూనే ఉన్నాయ్..

నీతో మాట్లాడుకుంటూ మీ వీధి చివరకొచ్చి,

వాటిని తల్చుకుంటూ నాలోనేను నవ్వుకుంటూ,

వెనక్కి వచ్చిన క్షణాలు వెక్కిరిస్తూనే ఉన్నాయ్..

అన్నేళ్ల మన పరిచయంలో

ఎన్ని పోట్లాటలొచ్చినా

మన ప్రేమ ముందు ఓడిపోతూనే

మనల్ని గెలిపించాయి..

ప్రేమ కన్నా పరువే ముఖ్యమని

మీ ఇంట్లో వాళ్ళు నన్ను మర్చిపొమ్మని

నిన్ను బాధపెట్టినప్పుడు

నువ్వు పడిన నరకయాతన నేనూహించగలను...

ఎలాగైనా మర్చిపోవాలని వాళ్ళన్నపుడు,

ఎలా మర్చిపోవాలని నువ్వు నాకు దూరమైనప్పుడు

నాతో బంధాన్ని తెంచుకుని నువ్వా బందీకానలో

మగ్గి నన్ను పూర్తిగా మర్చిపోయినపుడు,

మర్చిపోలేనంతగా ఏకమైన మన మనసుల

జ్ఞాపకాల తాలూకు గాయాలు వెంటాడుతున్నా,

నీతో మాట్లాడిన చివరి క్షణమే

చివరదని ఊహించని నా పిచ్చిమనసు

నిన్నింకా మర్చిపోకుండా ప్రేమిస్తూ

నీ జ్ఞాపకాల్లో బ్రతికేస్తుంది

నువ్వు లేని ఇన్నేళ్ల నా జీవితంలో

నేనెంత సంతోషంగా ఉన్నా

ఆ ఆనందాన్ని నీతో పంచుకోలేక

నరకం అనుభవిస్తున్నా ప్రియా...!!!

ఇట్లు

ఎప్పటికి నిన్ను ప్రేమించే నీ కార్తిక్

-నందు

పి. యస్ : ఇది నేను రాస్తున్న నవలలోని ఒక లేఖ
Date :11-01-18