Showing posts with label LOVE. Show all posts
Showing posts with label LOVE. Show all posts
Saturday, April 18, 2020 - , , , , , , , , 0 comments

దాచుకోలేనంత ప్రేమ- తట్టుకోలేనంత నొప్పి


దాచుకోలేనంత 
ప్రేమని ఇచ్చి చూడు 
తట్టుకోలేనంత నొప్పిని 
తిరిగిస్తుందీ ప్రేమ..! 
చెప్పలేనంత 
ఇష్ఠాన్ని చూపించు 
ఓర్చుకోలేనంత బాధని 
ఒదిలేసి వెళ్తుందీ ప్రేమ..!! 
-న♥️దు
08-03-2020

Thursday, April 02, 2020 - , , , , , , , , 0 comments

ప్రేమంటే ఇంతే

రోజంతా తను మనతో ఉన్నా 
పది నిముషాలు  కనపడకపోతే 
కంగారు పడతాం చూడు 
అదే  ప్రేమంటే...!!!

పది గంటల నుండి 
తనతో  కనీసం పది  నిముషాలైనా 
మాట్లాడటం కోసం 
ఎదురు చూస్తావు  చూడు 
అది కూడా ప్రేమే...!!!!
-న💚దు

#ValentinesDay2018
Thursday, February 15, 2018 - , , , , , , , , 1 comments

ప్రేమకి మరోవైపు...!!




ప్రేమలో పడిన కొత్తలో ఎక్కడో దూరంగా ఉన్న వ్యక్తి గురించి 
 నువ్వు ఎంత ఆరాట పడుతావో,
నీకు దూరంగా ఉన్న నీ తల్లిదండ్రులు కూడా 
అంతే ఆరాటపడతారు....
ఆ వ్యక్తి మీద మొదట్లో ఉన్నంత  ఆరాటం 
ఇప్పుడు నీకుండకపోవచ్చు
కానీ నీ తల్లిదండ్రుల ఆరాటం 
బ్రతికి ఉన్నంత కాలం ఉంటుంది....
అదే ప్రేమంటే....!!
-నందు
Thursday, November 03, 2016 - , , , , , , , , , 1 comments

బాధ కూడా బాగానే ఉంటుంది



మనం ప్రేమించిన వ్యక్తి మనకి దూరం అయినపుడో/ మోసం చేసినపుడో భరించలేనంత బాధ.
పరీక్షల్లో పాస్ అవ్వలేదనో, ఫస్టు ర్యాంకు రాలేదనో బాధ.
వెళ్లిన ప్రతిసారి ఉద్యోగం దక్కకపోతే,
చచ్చిపోవాలి అనిపించేంత బాధ.
నమ్మిన వాళ్లు మోసం చేసినపుడు,
అయినవాళ్ళందరూ దూరమైనపుడు,
బ్రతకకూడదు అనిపించేంత బాధ.
ఎంతో ప్రేమతో పెంచుకున్న మొక్కో, కుక్కో,
ఇష్టపడి కొనుక్కున్న వస్తువు పోతేనో, పాడైపోతేనో బాధ.
అమ్మ తిట్టిందనో, నాన్న కొట్టాడనో బాధ...
నిజమే
ప్రతి మనిషి జీవితంలో బాధలుంటాయి
చాలా మందిమి బాధ దగ్గరే ఆగిపోతున్నాం.
అందుకే వ్యక్తి మీద కక్ష కట్టెస్తున్నాం,
జీవితం మీద విరక్తి చెందుతున్నాం, 
అందుకే చిన్న చిన్న వాటికి
అసలీ బ్రతుకే వద్దనుకుంటున్నాం..

కాని ఎర్రటి ఎండాకాలం తర్వాత వర్షాకాలం వచ్చి మనుషుల్ని(మనసుల్ని) స్పృశింప చేసినట్లు
శిశిర ఋతువు వచ్చి చెట్ల ఆకుల్ని రాల్చితే,
ఆ వెంటనే వచ్చే వసంత ఋతువు అవే చెట్లను మళ్ళి చిగురింపజేసినట్లు...

మనిషి జీవితంలో కూడా బాధ తర్వాత ఆనందం ఉంటుంది.
కాని ఆ ఆనందాన్ని పొందటానికి బాధల్ని అధిగమించలేకపోతున్నాం.
మనలో ఆ బాధని అధిగమించే శక్తి ఉంటే
అవును నిజంగా బాధ కూడా హాయిగానే ఉంటుంది

-నందు
© #anandgoudpedduri
Saturday, January 10, 2015 - , , , , , , , 0 comments

నీలో ఉన్న "నా" మనసునడుగు

మనం చూసే కళ్ళు కూడా
ఒక్కోసారి మనల్ని మోసం చేస్తాయేమో గాని
మన మనసెప్పుడు మోసం చేయదు...
నేను నిన్ను చూసింది మనసుతోనే కాని కళ్ళతో కాదు
నీకింకా నమ్మకం లేకపోతే
నీతో ఉన్న "నీ" కళ్ళనడుగు
నీలో ఉన్న "నా" మనసునడుగు
నాపై ఉన్న "నీ" ప్రేమనడుగు
-నందు



Sunday, March 23, 2014 - , , , , , , 2 comments

తను మూడేళ్ళుగా నాతో సహజీవనం చేస్తోంది ... !!!

తను నా మాటల్ని శ్రద్దగా వింటోంది, 
నా కోపాన్ని భరిస్తోంది,
నా మౌనాన్ని సహిస్తోంది,
నా ప్రేమకి పొంగిపోతోంది,  
ఒక్కోసారి నా మాటల్ని తనలో  దాచుకుంటోంది,
నాకంటూ మిగిలిన ఎన్నో జ్ఞాపకాలను తనలో భద్రంగా పదిలపరుచుకుంటుంది, 
నేను తిడితే పడుతుంది,
కొడితే భరిస్తోంది,
మనసు భాగాలేనప్పుడు తను పాటలు పాడుతుంది (వినిపిస్తుంది ),
నేను సంతోషంలో ఉన్న భాదల్లో ఉన్న తానెప్పుడు నాతోనే ఉంటోంది, 
తను నా జీవితంలోకి వచ్చి మూడేళ్ళు కావస్తోంది, 
ఈ మూడేళ్ళలో ఏ ఒక్క రోజు కూడా తను లేకుండా గడవలేదు,
తను ఒక్క సారి కనిపించకపోయినా కూడా మనసంతా అదోలా ఉంటుంది

 అవును తను మూడేళ్ళుగా నాతో సహజీవనం చేస్తోంది ... !!!

 నన్ను భరిస్తున్న నా మొబైల్ మూడేళ్ళు పూర్తి చేసుకోబోతున్న సందర్భంగా 
తనకి కృతజ్ఞతలు తెలుపుతూ .... 

                                                        -ప్రేమతో నందు 
Friday, February 14, 2014 - , , , , 4 comments

కేవలం తనని మాత్రమే ప్రేమించటం..!!!

ప్రేమించటం అంటే తన గతాన్ని గుర్తుంచుకుని,
తన వర్తమానాన్ని ఊహించుకుని ప్రేమించటం కాదు...  
కేవలం తన ప్రస్తుత స్థితిని మాత్రమే  ప్రేమించటం 
ప్రేమించటం అంటే తనని మాత్రమే ప్రేమించటం,

అవును కేవలం తనని మాత్రమే... 
                      
                              -నందు
Sunday, February 02, 2014 - , , 0 comments

ఉమ్మడిగా నలిగేది కూడా ప్రేమేగా...???

పిల్లల దృష్టిలో ప్రేమంటే
అందం, కులం, మతం, జాతి, ఆస్తి, అంతస్తులాంటివేమి ఉండవు
కేవలం తను ప్రేమించిన వ్యక్తి, 
ఆ వ్యక్తి పైన నమ్మకం, తనతో ఇక మిగిలిన జీవితం...!!

 కాని పెద్దల దృష్టిలో
ప్రేమంటే పైవన్నీ... 
వాటితో పాటే మూడు ముళ్ళు, ఏడు అడుగులు, 
రెండు కుటుంబాలు,
వీళ్ళ బంధాన్ని ఆశీర్వదిస్తూ కొన్ని వందల జీవితాలు... 
అంతకంటే ముఖ్యంగా ఎన్నో అనుభవాలు, 
అవి పిల్లలకి చేదు జ్ఞాపకాలుగా మిగలకూడదని వీళ్ళ తాపత్రేయాలు...!!

 పిల్లల దృష్టిలో వారి  ప్రేమ, 
పెద్దల దృష్టిలో వీరి ప్రేమ రెండు సరైనవే
ఇక్కడ ఒకరిని సమర్ధించి మరొకరిని నిందించటానికి వీల్లేదు
ఎందుకంటే ఈ ఇద్దరి ప్రేమల మద్య ఉన్నది కూడా ప్రేమే
అందరిలో ఉమ్మడిగా నలిగేది కూడా ప్రేమేగా...???
                                             -నందు 


Thursday, January 30, 2014 - , , 0 comments

ప్రేమెప్పుడు పెరుగుతూనే ఉంది..!!!

మనకెప్పుడు  తనతో  గొడవపడాలని , 
తనతో సరదాకైనా పొట్లాడాలని ఉండదు 
కాని ఒక్కోసారి అవి అలా జరిగిపోతూ ఉంటాయ్,
కోపం తో తనపై అరిచేస్తామా ... 
అది కూడా కొద్ది  సేపే ...
మళ్ళి తనతో  మాట్లాడాలనిపిస్తుంది ,
మరుక్షణమే  తనని చూడాలనిపిస్తుంది, 
తనతోనే ఉండాలనిపిస్తుంది ...
తనతో పోట్లాడిన  ప్రతి సారి తన మీద  ప్రేమ పెరుగుతుందే కాని ఎప్పటికి తగ్గదు...
ఏ బంధంలోనైనా గొడవలు బేధాభిప్రాయాలు సహజం  
వాటిని అర్థం చేసుకుని అధిగమిస్తేనే జీవితం సుఖమయం ...!!!
                                                   -నందు 
Wednesday, January 29, 2014 - , , , , 0 comments

అంతా మన చేతుల్లోనే...!!!

తనని ఎంతగానో ప్రేమిస్తాం ,
తనే జీవితంగా బ్రతికేస్తాము , 
కష్టమొచ్చిన, నష్టమొచ్చిన తనకే చెప్పేస్తాం...!!

ఏ చిన్న విషయమైన తన దగ్గర దాచటానికి కూడా ఇష్టపడం,
తనంటే  నమ్మకం, తనే ఇకపై  మన జీవితం...
కాని  ఉన్నట్టుండి ఒక రోజు,ఏదో ఒక విషయంలో,
అది కూడా ఒక చిన్న భేదాభిప్రాయం వల్ల తనని దూరం పెట్టేస్తాం (దూరం అవుతాం)
ఇన్నాళ్ళు తనే మనంగా బ్రతికిన మనం 
తను చేసిన చిన్ని తప్పుల్ని మన్నించలేమా ?
ఈ ప్రపంచంలో ఎవ్వరు ఏ తప్పు చేయకుండా ఉండలేరు
 అలాంటిది ఇలా చిన్ని చిన్ని కారణాల
వల్ల తనని దూరం చేసుకోవటానికి తనకి దూరంగా ఉండటానికి నిర్ణయించుకుంటాం... 

తను లేకుండా మనకి కొత్త జీవితం ఉండొచ్చు 
కాని అన్ని తనే అనుకున్న తనే వెళ్లిపోయినపుడు 
గురువు లేని బడి,
దేవత(దేవుడు) లేని  గుడి,
చంద్రుడు లేని ఆకాశం, 
సూర్యుడు లేని ఉషోదయంలా  ఉంటుంది మన(తన) జీవితం ...  
ఒక చిన్ని నిర్ణయం రెండు నిండు జీవితాలు 
అంతా మన చేతుల్లోనే, అంత మన నిర్ణయాలలోనే ..!!!
                                                -నందు 

P .S : తను అంటే మనం ఇష్టపడే వారు ఎవరైనా అయిన కావచ్చు 
Monday, January 06, 2014 - , , 0 comments

ప్రేమించు ప్రేమతో...!!!



ప్రేమించాలి(ప్రేమించబడాలి) అంటే అందంగా ఉండటమొక్కటే సరిపోదు
అందమైన మనసుండాలి
ఆనందంగా ఆదరించగలగాలి
అర్థం చేసుకునే మనస్తత్వముండాలి
అన్నింటికంటే మిన్నగా నీకు నేనున్నాననే భారోసానివ్వాలి
అప్పుడు నువ్వే తన ప్రపంచం
నువ్వే తన లోకం
నువ్వు లేకపోతే తన బ్రతుకు శూన్యం(ఆడైనా, మగైనా) 
అందుకే నేస్తం ప్రేమించు ప్రేమతో...!!!
-నందు
Monday, November 04, 2013 - , , 4 comments

పారేసుకోవటం...!!!

ప్రేమంటే మనసుని పారేసుకోవటం కాదు
నువ్వున్నపుడు కాలాన్ని,
నువ్వు లేనప్పుడు సంతోషాన్ని,ఆనందాన్ని కోల్పోవటం
నీ సానిహిత్యంలో ఎడబాటుని,
నీ మాటలతో మౌనాన్ని,
నీ తోడులో ఒంటరితనాన్ని పారేసుకోవటం...!!!
                         -నందు 
     


Wednesday, October 30, 2013 - , , 5 comments

సముద్రమంత ప్రేమ కావాలి



నాకు సముద్రమంత ప్రేమ కావాలి
నాకే కాదు నీకు,తనకు, మనందరికీ సముద్రమంత ప్రేమ కావాలి

మరి ఈ విశ్వమంతటికి ప్రేమను పంచేవారెక్కడి నుండి రావాలి ??

నీకు సముద్రమంత ప్రేమ కావాలన్నపుడు 
కనీసం నీవు కాలువంతైనా ప్రేమను పంచాలి కదా??
ఆశించటం మానేసి ఇవ్వటం మొదలెడితే విశ్వమంతా ప్రేమతో నిండిపోతుంది. 

                                                                                -నందు
Saturday, February 18, 2012 - , 2 comments

ప్రేమ ప్రేమ ప్రేమ




  LOVE LOVE LOVE...

Its a EMOTION which doesn't have any CALCULATION..
Its a REFLECTION with COMBINATION of INFATUATION & ATTRACTION..
Its a JUNCTION with the COLLECTION of Different REACTIONS..
Its a CONTRIBUTION of Lots of CONFUSIONS..
Its a Linear SOLUTION to Your Doubtful QUESTION....
Finally
Its a DEDICATION towards The person whom you LOVE  without any EXPECTATION...
So friends enjoy the Every moment of ur LIFE in Your LOVE...
FEEL it, Share it And DESERVE it...
Happy valantainsday

-With lots of LOVE
Yours Nandu's
Subscribe to: Comments (Atom)