నేను-నా ఫీలింగ్స్...!!!

 గుడిలో దేవుడి ముందు 

దేవుడా నేను బాగుండాలి 

నాకు అది రావాలి ఇది కావాలి అని 

కోరికలు,బాధలు చెప్పుకుంటాం.. !

కానీ ఇంటికి వచ్చాక 

వాడు బాగుపడ్డాడు 

వీడు లాభపడ్డాడు 

అది సంపాదించాడు 

ఇది కొన్నాడు అని ఏడుస్తాం 

గుడిలో నీ మాటలు వినే దేవుడు

ఇంట్లో మాత్రం వినడంటావా 

లేక ఇంట్లో దేవుడే ఉండడంటావా??

-నందు

 నీకు నచ్చనంత మాత్రాన చెడ్డొడ్నీ కాదు

నీకు మాత్రమే నచ్చితే గొప్పొడ్నికాదు

నేను నీకు నచ్చలేదంటే

నువు పాడే ప్రతి పాటకి 

నేను తందనాన అనకపోవడం

నువ్వు చెప్పినట్లు వినకపోవటం అంతే

అంతే కానీ నువ్వే మంచి 

నేను కాదు అని కాదు దానార్థం

- నందు

 మనకి కష్టాలు,బాధలు వస్తే

దేవుడున్నాడు, చూస్తాడని నమ్మే మనం,

వేరే వాళ్ళని బాధపెట్టేటప్పుడో,

మోసం చేసేటప్పుడో లేదా తప్పు చేసేటప్పుడో

మాత్రం దేవుడ్ని మర్చిపోతాం

ఎందుకంటే

కళ్ళు తెరిస్తేనే ఎవరో చూస్తారు 

అని కళ్ళు మూసుకుని పాలు తాగే 

పిల్లి రకం మనందరం

-నందు. 

#randomthoughts

 కావాలనుకున్నప్పుడు 

ఏ కారణాన్ని ఎత్తి చూపము

కానీ వద్దన్నుకున్నపుడే 

వందల సాకులు వెతుకుతాం

 అది వస్తువుకైనా, మనిషికైనా....!!

-నందు

 ॥ నందు॥ 19.04.2023॥ 

 మాటలతో మార్చే వాళ్ళు, 

మనుషుల్ని ఏమార్చే వాళ్ళు, 

రెచ్చగొట్టే వాళ్ళు, చిచ్చు పెట్టే వాళ్ళు, 

 ఒకరి మీద పడి ఏడిచే 

 వాళ్ళున్న సమాజంలో ఉన్నాం మనం 

మనకంటూ ఒక స్టాండ్ ఉండాలి 

 ఏది నిజమో, ఎది అబద్దమో, 

అసలు నిజమేదో తెలుసుకోగలగాలి 

ఎవరూ ఎలాంటి వాళ్ళు, 

ఎవరూ ఎలా ఉంటారు 

అనే బేరీజు వేసుకొగలగాలి 

 ఇవాళ నిన్ను రెచ్చగొట్టే వాడు 

 నీ అవసరం తీరాక, 

 లేక నీతో పొసగక 

రేపు నీమీదికే ఇంకొకరిని 

 రెచ్చగొట్టడన్న నమ్మకం లేదు 

నీతో ఇన్నాళ్లు ప్రేమగా మాట్లాడేవాడు, 

 నీ ఏడుపును కోరుకోడు 

 అన్న నమ్మకం లేదు 

 జరుగున్న మార్పులను 

 గమనిస్తూనే ఉండాలి 

ఎదుటి వారి మీద మనకంటూ 

ఒక నిర్దిష్ట అభిప్రాయం 

ఏర్పరచుకోవాలి 

 రెచ్చగొట్టగానే రెచ్చిపోవద్దు 

కన్నీరు కార్చగానే కరిగిపోవద్దు 

ఏ మాట వెనకాల 

 ఏ అవసరం ఉందో 

ఏ పలకరింపు మాటున 

 ఏ పెను విషాదం దాగుందో 

 లోగుట్టు పెరుమాళ్ళకెరుక !!

-నందు

#మునికాంతపల్లికతలు

#munikanthapallikathalu

#TeluguStories 

#Review

#bookreview 

#bookreviewblogger