స్వీకరించే విధానం


ఒక వ్యక్తిని ఇష్టపడినప్పుడు 
తన తప్పులు కూడా ఒప్పుగానే కనిపిస్తాయి...
కాని, అదే మనిషిని ద్వేషించటమో లేక 
దూరం చేయటమో మొదలు పెడితే 
తన ఒప్పులు కూడా ఒక్కోసారి తప్పుగానే కనిపిస్తాయి...
ఉన్న మంచితనం కాస్త మరుగున పడిపోతుంది
తేడా తనలో లేదు. 

మనం, తనని స్వీకరించే విధానంలో ఉంది...!!!

                                 - నందు


ప్రేమించటం అంటే

ప్రేమించటం అంటే నిన్నే కాదు,
 నీ జ్ఞాపకాల్ని  కూడా...!
జీవించటం అంటే నీతోనే కాదు 
నీ జ్ఞాపకాలతో(జ్ఞాపకాల్లో) కూడా...!!
-నందు 

బాగుండటం అంటే

బాగుండటం అంటే బాగా ఆస్తి ఉండటమో  లేక 
బాగా సంపాదించే ఉద్యోగం ఉండటమో కాదు 
అలాగని అందంగా ఉండటం  అసలే కాదు 

త్రివిక్రమ్ స్టైల్లో చెప్పాలంటే,
నలుగురితో ఉన్నపుడు నవ్వుతూ ఉండటం..  
పనిలో ఉన్నా పది మందిలో ఉన్నా పప్రశాంతంగా ఉండటం..   
కళ్ళల్లో వెలుగుండటం, పెదాలపై చిరునవ్వు రావటం 
జీవితంలో సంతోషంగా ఉండటం
ఇది బావుండటం అంటే బాగా ఉండటం 

-నందు  

నేనింతే...!!!

డిగ్రీ చేసాడు డీసెంట్ ఉంటాడు,
మందు తాగడు మౌనంగా ఉంటాడు,
సాఫ్ట్వేర్ ఇంజినీరు కద సైలెంట్ గా ఉంటాడు,
అనే బ్రమల్లోన్చి బయటికి రా ...
డీసెంట్ గా ఉన్నానంటే అర్థం గొడవ పడటం ఇష్టం లేదని,
మౌనంగా ఉన్నానంటే ఇంకా మర్యాద ఇస్తున్నానని...
నేను కామ్ గా ఉన్నానంటే తప్పు చేసానని కాదు,
తప్పులు జరగకూడదని... 
ఎప్పుడూ అలానే కాదు
ఇలా కూడా ఆలోచించు... 
నేనేవ్వరికి నా వ్యక్తిత్వం గురించి చెప్పను,
ఇది చదివి నీకేమైన అర్థం అయితే గుర్తుపెట్టుకో.

నేనింతే...! ! !
ఏడవాలనిపిస్తే ఏడుస్తా,
నవ్వాలనిపిస్తే తనివితీరా నవ్వుతా,
భాదగా ఉంటే మౌనంగా ఉంటా,

కోపం వస్తే కోపంగా ఉంటా లేదంటే అరుస్తా...
ఎందుకంటే నాలో చలనం ఉంది 
ఏ రకమైన స్పందన లేకపోవటానికి 
నేను రాయిని కాదు, 
రోబోనీ అంత కంటే కాదు...
మనిషిని..,మనసున్న మనిషిని...!
మనసు విలువ తెలిసిన మనిషిని...!!
- నందు



ప్రేమ-యుద్ధం

యుద్ధం, ప్రేమ రెండు ఒక్కటే...
యుద్ధంలో గెలిస్తే కీర్తి, గౌరవం పెరుగుతాయి
ప్రేమలో గెలిస్తే ఆనందం, సంతోషం పెరుగుతాయి
యుద్ధంలో ఓడితే రాజ్యం, పరువు పోతాయ్,
కష్టాలు పలకరిస్తాయ్, కటకటాలు వెక్కిరిస్తాయ్...
ప్రేమలో ఓడితే కన్నీళ్ళు మిగులుతాయ్.
కాని ఒక్కోసారి ప్రాణాలు కూడా పోతాయ్...
యుద్ధం మనుషులతో చేసేది
ప్రేమ మనసుతో  చేసేది
నిజమే కాబోలు,
యుద్ధం, ప్రేమ రెండు ఒక్కటేనేమో...
రెండు గెలిచే వరకు చేసేవే...!
గెలవటం కొరకు పోరాడేవే...!!

                  -నందు
            02-09-15



తీరాన్ని తాకని ఉత్తరం

నేస్తం 

"నువ్వు నాకు పరిచయం కాక ముందు 
నాకు ఆ కాలేజీలో రోజులన్నీ ఒకేలా ఉండేవి...
నీ పరిచయం వల్ల ఎందుకో నాలో మార్పు, 
నాలో నాకే తెలియనంత మార్పు...
నువ్వొచ్చాక నా డైరీ రంగుల  పుస్తకంగా మారిపోయింది... 
ప్రతి రోజు నీతో స్నేహం గురించే రాసాను
నిన్ను తలచుకుంటూ, 
నీ జ్ఞాపకాలను గుర్తు తెచ్చుకుంటూ, 
నీతో మాటాడిన సంతోషంలోనో,
లేక నువ్వు మాట్లాడలేదన్న బాధలోనో...
నిన్ను చూసి చాలా విషయాలలో స్పూర్తిపొందాను 
ఎప్పుడైనా నీకు ఫోన్ చేసే నీ ఫోన్ బిజీగా ఉంటే నేనెంత బాధపడేవాడినో  తెలుసా..?
నువ్వు వేరే వాళ్ళతో మాట్లాడుతున్నందుకు కాదు, 
ఆ క్షణాన నీతో మాట్లాడలేకపోయినందుకు...!
ఉన్నట్టుండి నువ్వు మాట్లాడటం మానేసావు 
మళ్లి  నా గమ్యం అంతా చంద్రుడు లేని ఆకాశంగా మారిపోయింది. 
ఈ మద్య నిన్ను తలచుకుంటూ నిద్ర పట్టక  ఏ అర్ధరాత్రికో నిద్రపోయిన రోజులు లెక్కలేనన్ని...
అయిన ఇప్పటికి ఏమి మారలేదు 
ఎక్కడైనా అందమైన చిరునవ్వు కనిపిస్తే చాలు నువ్వే గుర్తొస్తావు....
 అదేంటో నువ్వు గుర్తొచ్చిన  ప్రతి సారి  నాకే తెలియకుండా 
నా కంటి నుండి కన్నీటిధారా కురుస్తూనే ఉంది...
మిత్రమా...!!!
నీవులేకపోయినా నీ జ్ఞాపకాలు మాత్రం పదిలం...
ఫోటోలలో, బహుమతులలో కాదు.. నా గుండెల్లో.   
ఎప్పటికి నీ నేను..." 
                                                          -నందు 

నువ్ ఊహించుకున్న అబద్దమా ??

నువ్వు, నేను అనుభవిస్తున్న నిజం..!!!
మరి నేను ???
నువ్ ఊహించుకున్న అబద్దమా  ??
               -నందు 


నా కళ్ళతో చూడు.... !!

పొగడ్తలు నీకు కొత్త కాకపోవచ్చు
కాని పొగడటం నాకు మాత్రం కొత్తే...
నా పాతికేళ్ళ వయసులో నేను చూసిన అద్భుతం నీవు
ఇంతందంగాఉన్నావేం చెలి, 
ఇన్నాళ్ళు కనిపించలేదేం మరీ..!!!
నీ అందం అజంతా శిల్పం, 
నీ రూపం ఎల్లరాల సమూహం..
నిన్ను సృష్టించిన బ్రహ్మ దేవుడు కూడా 
అసూయ పడతాడేమో నీ అందాన్ని చూసి
రతీదేవి కూడా ఈర్ష్య పడుతుందేమో, 
మన్మదుడ్ని నీ వైపుకి తిప్పుకున్నందుకు 
నీకు నీవు అందంగా కనపడకపోవచ్చు, 
నా పొగడ్త నీకు అతిగా అనిపించవచ్చు,
నా కళ్ళతో చూడు.... 
అప్పుడైనా నీకు మితంగా కనిపిస్తాయేమో...
-నందు



నీతో మాట్లాడిన తొలి క్షణం

తొలిసారి నీతో మాట్లాడిన క్షణం నాకింకా గుర్తుంది
ఎదుటి వారితో మాట్లాడుతుంటే ఎన్నడు లేని తడబాటు నీతో మాట్లాడుతుంటే కలిగింది,
నా గుండె చప్పుడు నాకే వినిపించిది
ఒక్క సారిగా స్పృహ కోల్పోయినట్లనిపించింది...
ఆక్షణం నేనేం మాట్లాడానో తెలియదు,కాని నీతో మాట్లాడినట్లు మాత్రం గుర్తుంది
గుర్తుండటమేంటి, అది మధుర జ్ఞాపకంగా మిగిలిపోయింది...
-నందు

మళ్ళి మళ్ళి నిన్నే చూడాలనిపిస్తుంది

నిన్ను మొదటిసారి ఎప్పుడో చూసానో తెలియదు కాని 
చూసినప్పటి నుండి మళ్ళి మళ్ళి నిన్నే చూడాలనిపిస్తుంది 
ఒక్కసారైనా  నీతో మాట్లాడాలనిపిస్తుంది
నువ్వు నా సమీపాన చెరితే 
మనసు కంపిస్తుంది
గుండె తీవ్రత పెరుగుతుంది...  
నీ కళ్ళలో ఏ శక్తి దాచుకున్నావో గాని 
నన్ను మాత్రం శక్తిహీనుడ్నిచేస్తున్నాయి
ఇన్నేళ్ళుగా ఎలాంటి అలజడి లేని నాలో  
కొన్నాళ్లుగా నాలో నేనే లేని పరిస్థితి

నీ కోసం వెతుకుతున్నాయి నా కళ్ళు 
ఒక్క సారి కరుణించి వెళ్ళు
నీవెక్కడుంటావో తెలిసి కూడా 
ఏమి చేయలేని నిస్సహాయ స్థితి నాది 
ఒక్క సారి పలకరించి వెళ్ళు 
మళ్ళి  నాకు పునర్జన్మని ప్రసాదించి వెళ్ళు  

ప్రేమంటే ఏంటో తెలియని నాలో రేపావు అలజడి, 
మరి వినిపించట్లేదా ఈ గుండె సడి 
            -నందు 

ప్రేమ-నటన

మిత్రమా,
నువ్ నిజంగా ప్రేమిస్తున్నావో లేక 
ప్రేమిస్తున్నట్లు నటిస్తున్నావో 
నీకు నువ్వుగా తెలుసుకో...
ఎందుకంటే, 
ప్రేమిస్తున్నపుడు టైంపాస్ చేసినా టైంవెస్ట్ చేసినా 
బాగానే అనిపిస్తాయి... 
కాని నటిస్తున్నప్పుడే నరకంగా ఉంటుంది...!
కరక్టే, ప్రేమ పుట్టుక నీకు తెలియకపోవచ్చు
కాని పుట్టిన తర్వాతైనా తెలుస్తుందిగా ???
అందుకే నీకు నువ్వుగా మేల్కొను,
నటనని కట్టి పెట్టి నిజంలో బ్రతకటం మొదలెట్టు..!!! 
(నిజ జీవితంకి అడుగెట్టు)

                           -నందు

#నందు

జీవితం లోతు తెలియని సముద్రం..!!

జీవితం: 
లోతు తెలియని సముద్రం.
ఎత్తుకోలవలేని ఆకాశం..!!
జీవితం: 
రాజీ లేని పోరాటం.
అదొక అలుపెరగని పయనం..!!
జీవితం గురించి కొంత మందికి 
చదివితే తెలుస్తుంది
మరికొంత మందికి 
నిశితంగా పరిశీలిస్తే అర్థం అవుతుంది
కాని చాలా మందికి అనుభవిస్తేనే బోధపడుతుంది...
 -నందు



వద్దనుకున్నాక

ఒక్కసారి వద్దనుకున్నాక,  
దాని గురించి ఆలోచించటం మానేయాలి
అది వస్తువైనా, మనిషైనా.... 
-నందు.

ఓటమి కూడా సంతోషాన్నిస్తుంది

        కొన్నిసార్లు 
        ఓటమి కూడా సంతోషాన్నిస్తుంది, 
        బాధ కూడా బాగానే ఉంటుంది.  
        ఇష్టమైన వారి చేతిలో ఓడితే...!!!
                                 -నందు  

చరిత్రలో ప్రేమకథలు



చరిత్రలో కొన్ని ప్రేమకథలు వినటానికి బావుంటాయ్,
సినిమాల్లో కొన్ని ప్రేమ కథలు చూడటానికి బావుంటాయ్,
కథల్లో కొన్ని ప్రేమకథలు రాయటానికి బావుంటాయ్,
పుస్తకాల్లో కొన్ని ప్రేమ కథలు చదవటానికి బావుంటాయ్,
కాని నిజ జీవితంలో చాలా  ప్రేమకథలు వినకపోతేనే బావుంటాయ్, 
వాటి గురించి మాట్లాడుకోకపోతేనే మరింత బావుంటాయ్..
                                    -నందు







జీవితం-గెలుపు

గెలుపంటే ఏంటి ??

నీ విజయమా ? 
మరొకరి ఓటమా ??
యుద్ధంలో శత్రువుని చంపటమా ?? 
ఓడించటమా ?? 


జీవితమంటే ఏంటి ??

నువ్వు కోరుకున్నదా ? 
నువ్వు బ్రతకాలనుకున్నదా ? 
లేక ఇప్పుడు బ్రతుకుతున్నదా ??

ఇలాంటి ప్రశ మొదలై 
సమాధానం కొరకు అన్వేషణ మొదలైతే 
నీ జీవితంలో నీవు గెలిచినట్లే...!!!
-నందు




పదాలు ప్రేమగా-మాటలు మత్తుగా


Anandgoudpedduri



పదాలు ప్రేమగా ఉంటాయ్, 
మాటలు మత్తుగా ఉంటాయ్ 
ఇష్టమైన 'వారు' మాట్లాడుతుంటే...
పదాలు ప్రేమగా ఉంటాయ్, 
మాటలు మధురంగా ఉంటాయ్ 
ఇష్టమైన 'వారితో' మాట్లాడుతుంటే...
-నందు




నువ్ ఒంటరిగా ఉన్నప్పుడు

నువ్ ఒంటరిగా ఉన్నప్పుడు,
నీకేం తోచనపుడు,
నీకిష్టమైన వారితో మాట్లాడాలనిపించినపుడు,
ఆ మాట్లాడాల్సిన్న వ్యక్తి నీతో 
నీతో మాట్లాడే పరిస్థితిలో లేనప్పుడు, 
మాట్లాడాల్సిన వాటిని ఎక్కడైనా రాసి పెట్టు...
తర్వాత వాటిని చదివినపుడు 
అక్షరాలు అందంగా కనిపిస్తాయ్
పదాలు కూడా ప్రేమగా పలకరిస్తాయ్,
మాటలు ముత్యాల్లా మారతాయ్...
-నందు




సుఖం -సంతోషం

మనిషికి తను సుఖపడ్డ క్షణాలు కొన్ని రోజులే గుర్తుంటాయి 
కాని  సంతోషపడ్డ  క్షణాలు జీవితాంతం గుర్తుంటాయి
                   -నందు
                                  

సమాధానం లేని ప్రశ్న

అన్ని ప్రశ్నలకి మనమే సమాధానం చెప్పలేం, తెలుసుకోలేం..  
కొన్నింటికి కాలం, మరికొన్నింటికి మౌనం,
మాటలతో చెప్పలేని వాటికి మనసు   
ఇంకోన్నింటికి నీ జీవితం... 
ఇలా ఏదో ఒక విధంగా సమాధానం దొరుకుతూనే ఉంటుంది..  
అసలు సమాధానం లేని ప్రశ్నే లేదు ఈ  విశ్వంలో...!!! 
సమాధానం దొరకలేదంటే, 
నీకు సమయం సరిపోకపోయి ఉండాలి లేదా 
దాని మీద నీకు ఆసక్తి లేకుండా ఉండి ఉండాలి 
ఈ రెండు కాదంటే అదసలు ప్రశ్నే కాకపోయి ఉండాలి 
                                   -నందు 


మనుషుల్ని, విలువల్ని సంపాదించటం కూడా...!!!



సంపాదించటం అంటే కేవలం డబ్బునే కాదు

మనుషుల్ని, విలువల్ని సంపాదించటం కూడా...!!!

కష్టాల్లో ఉన్నప్పుడు మనల్ని గట్టెక్కించే వారిని సంపాదించటం, 

ఆపదలో ఆదుకునే వారిని సంపాదించటం,

బాధల్లో ఉన్నప్పుడు దైర్యాన్ని నింపే వారిని,

మన కోపాల్ని అర్థం చేసుకునే వారిని సంపాదించటం....!!!

ఇవన్ని సంపాదించుకోలేని వాడు కష్టపడి కోట్లు కూడబెట్టినా  

అవి కొన్ని సార్లు దేనికి పనికి రావు... 

-నందు
Sunday, April 19, 2015 - , , , , 0 comments

ఓకే బంగారం

ఓకే బంగారం:

వయసుతో పనిలేకుండా 

ప్రేమలో ఉన్న వాళ్ళు, 
ప్రేమలో పడ్డవాళ్ళు, 
ప్రేమలో గెలిచిన వాళ్ళు,.
తప్పకుండా చూడాల్సిన సినిమా...!!!
లివింగ్ రిలేషన్షిప్ పై నేటి యువత తీరుని ప్రధానంగా తీసుకుని,
ప్రేమకి,వ్యామోహానికి మధ్యలో ఒకచిన్న నిజాయితిని సృష్టించి....
ఫారెన్ లోకేషన్లు, పెద్ద పెద్ద ఫైట్లు లేకుండా తీసిన ఒక ఒక రిచ్ సినిమా...
సినిమా పై మనసుపెట్టి చూడండి
మణిరత్నం కనిపిస్తాడు, 
ఏఆర్ రహమాన్ కురిపిస్తాడు(సంగీతం), 
పిసి శ్రీరాం మెరిపిస్తాడు(ఛాయాగ్రహణం)..
ఒకే ఫ్రేములో రెండు ప్రేమ కథలను నడిపించటం...
నిత్య ఇంకా అందంగా కనబడింది, ఇంకొన్నాళ్ళు యువ ప్రేమికుల గుండెల్లో 
నిండి ఉంటుందనడంలో సందేహం లేదు..
మంచి ఫీల్ ఉన్న సినిమా,
మంచి ఫీల్ ని కలిగించే సినిమా ...!!! 
కొన్ని జ్ఞాపకాలు గుర్తొస్తాయ్, 
ఇంకొన్ని జ్ఞాపకాలు వెంటాడతాయ్, 
కాని మళ్ళి ఇంకొన్ని జ్ఞాపకాలు మిగిలిపోతాయ్. 

చరిత్రలో ప్రేమ కథలెప్పుడు హిట్టే, 

కాని చూపే విధానంలో, తీసే విధానంలో 
చాలా మంది ఫెయిల్ అవ్తున్నారు...
ఈ సినిమా "ఓకే" కాదు చాలా చాలా "ఓకే"

p.s:రెగ్యులర్ రొటీన్, మాస్ సినిమాలు చూసే వారికిది నచ్చదు..

థియేటర్ కి వెళ్లి టైం వెస్ట్ చేసుకోకండి..         
ఇది కేవలం నా వ్యక్తిగత అభిప్రాయం  
        
                     -నందు

అంతులేని కథ

కొన్నాళ్ళ తర్వాత:
  
Continued last Post:

ఆమె:మళ్ళి కనపడనన్నావ్??
అతడు:మళ్ళి ఎందుకు మాట్లాడావ్  ??
ఆమె:అప్పుడు కోపం లో అన్నా..
అతడు:నేనప్పుడు బాధలో ఉన్నా
ఆమె: నువ్వేమి మారలేదు
అతడు: నువ్వు ఇంకా అలానే ఉన్నావ్
ఆమె: నీ మాటలు గుచ్చుకుంటున్నాయ్
అతడు: నీ జ్ఞాపకాలు గుచ్చుకుంటున్నాయ్
ఆమె:ఎన్నాళ్ళిలా బ్రతుకుతావ్ ??
అతడు:ఇలా బ్రతకలేనని తెలిసినతకాలం
ఆమె:....
అతడు:....


             -నందు

చాన్నాళ్ళ తర్వాత



చాన్నాళ్ళ తర్వాత::
ఆమె: ఎలా ఉన్నావ్ ??
అతడు:ఇంకా బ్రతికే ఉన్నా
ఆమె:నువ్వింకా గుర్తొస్తావ్ నాకు
అతడు: నేనింకా మర్చిపోలేదు నిన్ను
ఆమె:ఎందుకలా మాట్లాడుతున్నావ్ ?
అతడు: మరెలా మాట్లాడమంటావ్
ఆమె: నేనప్పుడు కావాలని వెళ్ళిపోలేదు
అతడు: కాని నేను కావాలనుకున్నపుడు వెళ్ళిపోయావు కదా
ఆమె: ఇప్పుడు నన్నేం చేయమంటావ్
అతడు:అది నన్నెందుకు అడుగుతున్నావ్  ?
అయినా ఆరోజు నన్నడిగే వెళ్ళిపోయావా
ఆమె: అప్పుడు నా జీవితం నా చేతిలో లేదు
అతడు:ఇప్పుడు మాత్రం నీ చేతిలో ఉందా ??
ఆమె:ఛ,నువ్వెప్పుడు ఇంతే ఎప్పటికి అర్థం చేసుకోవు
అతడు:అవును నేనప్పటికి అర్థం కాను నీకు.
ఆమె: ఇంకోసారి మాట్లాడను
అతడు: నేనుకూడా ఇంకోసారి కనపడను...
                                           -నందు                              

Inspired by one of my Facebook friends

                                                         (ఇంకా ఉంది)
                               
Thursday, March 26, 2015 - , , , , 0 comments

జీవితం ఒక ఆట

గెలిచినపుడు సంతోషించటం...,
ఓడినపుడు బాధపడటం..., 
గెలుపుని ఆస్వాదించినపుడు 
ఓటమిని కూడా ఓర్చుకోవాలి, 
బాధని తట్టుకోనగలగాలి...
అది ఆటలోనైనా... 
జీవితంలోనైనా... 
ఆటకి వ్యవధి, గడువు ఉంటుంది
జీవితానికే నిర్దిష్ట వ్యవధి ఉండదు
అంతే తేడా..

కాలం చెల్లినపుడు కనుమరుగవటమే...

గెలుపు, ఓటమి కంటే పోరాడటం ముఖ్యం 
గడువు తీరేవరకు...
గమ్యం చేరేవరకు...
                         -నందు




Tuesday, March 17, 2015 - , , , 0 comments

జీవితం

"జీవితం" సమాధానం దొరకని ఒక  ప్రశ్న
"జీవితం" సమాధానం తెలుసుకోవాల్సిన ఒక  ప్రశ్న
                                                  -నందు

Wednesday, February 4, 2015 - , , , , 1 comments

ప్రేమకు మరోవైవు


నిజంగానే ఒక వ్యక్తిని ప్రేమించినపుడు
వారి ఇష్టాల్నే కాదు వారి లోపాల్ని ప్రేమించగలగాలి,
తప్పుల్ని క్షమించగలగాలి,
వారి ప్రేమని అంతగా ఆస్వాదించినపుడు 
వారి కోపాల్ని కూడా భరించగలగాలి,
వారి మౌనాన్ని అర్థం చేసుకోగలగాలి
ఆనందంగా ఉన్నపుడే కాదు ఆవేదనలో ఉన్నపుడు కూడా తోడుండాలి
ప్రేమించబడటమే కాదు మనం కూడా ప్రేమతో ప్రేమించగలగాలి...
ఇవన్ని మన వల్ల కాలేకపోతే మనం ఎదుటివారిని  
ప్రేమించట్లేదని ఒప్పుకోవాలి
-నందు

నీలో ఉన్న "నా" మనసునడుగు

మనం చూసే కళ్ళు కూడా
ఒక్కోసారి మనల్ని మోసం చేస్తాయేమో గాని
మన మనసెప్పుడు మోసం చేయదు...
నేను నిన్ను చూసింది మనసుతోనే కాని కళ్ళతో కాదు
నీకింకా నమ్మకం లేకపోతే
నీతో ఉన్న "నీ" కళ్ళనడుగు
నీలో ఉన్న "నా" మనసునడుగు
నాపై ఉన్న "నీ" ప్రేమనడుగు
-నందు



Saturday, January 3, 2015 - , , , , 0 comments

అడగటానికి అడ్రెస్ కూడా దొరకకుండా వెళ్ళిపోతారు

అనుమతి లేకుండానే చాలా మంది 
మన జీవితంలోకి వస్తారు
ఉన్నంతకాలం మనతో భానే ఉంటారు...
ఉన్నట్టుండి ఏమవ్తుందో తెలియదు
మనకి చెప్పకుండానే,
వెనుదిరిగి చూడకుండా వెళ్ళిపోతారు...
మనతో వారికేం సంబంధం లేనట్లు,
మనమెవరో వారికి తెలియనట్లు....

అడగటానికి అడ్రెస్ కూడా దొరకకుండా

వెతకటానికి వీలు పడకుండా 
                      -నందు