నేను-నా ఫీలింగ్స్...!!!

నా మనసు మౌనంగా రోదిస్తుంది, నా గుండె తన గొంతుకను చీల్చుకుని తన మనోవేదనను తెలపటానికి తాపత్రయ పడుతుంది. నా మనసులో మౌనంగా నిర్మించుకున్న మరో లోకమే ఈ నేను నా ఫీలింగ్స్.... మనసులో జరిగే చర్య ప్రతి చర్యల ద్వారా, ప్రకృతిలో జరిగే పరిణామాలను ఆధారంగా చేసుకుని నాకు నచ్చిన(తోచిన) విధంగా రాస్తున్నాను... నచ్చితే స్వాగతిస్తారని ఆశిస్తూ.. .నందు

Monday, July 17, 2017 -

కవితలు, నందు, నిజాలు, ప్రత్యేకం, ప్రేమ, ప్రేమలు రకాలు, ఫీలింగ్స్, బాధ, సత్యాలు

0 comments

సముద్రమంత ప్రేముంటే సరిపోదు

నీలో సముద్రమంత ప్రేముంటే సరిపోదు...

ఆ ప్రేమని అర్థం చేసుకోవటానికి

అవతలి వాళ్ళకి

ఆకాశమంతా మనసుండాలి..!!

-నందు

సముద్రమంత ప్రేమ

Saturday, July 01, 2017 -

కవితలు, జీవితం, తెలుగు, నందు, నిజాలు, ప్రత్యేకం, ప్రేమ, ఫీలింగ్స్, బాధ, సత్యాలు

0 comments

అమ్మానాన్నలతో-మనం

రోజు మనతోనే ఉండే మన అమ్మానాన్నలతో

కాసేపు సరదాగా మాట్లాడటానికి సమయం ఉండదు మనకి,

కాని మదర్స్ డే, ఫాదర్స్ డే లకి మాత్రం పేస్బుక్లో పోస్ట్లు,

వాట్సాప్లో స్టేటస్లు పెట్టి వాళ్ళ మీద ప్రేమని చూపిస్తూ మురుసిపోతుంటావ్....!

నిన్నెక్కడో ఎక్కడో ఊరికి దూరంగా పట్నంలో

పైచదువులకి పంపి, నిన్నో ప్రయోజకుడ్ని చేసాక

నువ్వేమో దారిలో పడతావు,

వాళ్లు మాత్రం అక్కడే అదే ఊర్లో నిన్ను

ప్రయోజకుడ్ని చేయటానికి చేసిన అప్పుల్ని తీర్చుతూ మగ్గుతుంటారు..!!

స్వతంత్ర జీవితానికి అలవాటు పడి, వాళ్ళతో మాట్లాడటానికి కూడా తీరిక ఉండదు నీకు,

అయిన వాళ్ళ మీద ప్రేమున్నట్లు మిస్సింగ్ యు అని మాత్రం పోస్ట్లు పెడతావ్....!!!

నీకో వయసొచ్చాక, ఆ వయసుకి ఒక తోడయ్యాక అమ్మానాన్నలు అస్సలు గుర్తురారు

ఏ అత్యవసరానికో లేక పండగకి రమ్మని పిలుపోస్తే ఎలా స్పందించాలో తెలియని స్థితిలో ఉండి పోతావ్

నీకు జన్మనిచ్చిన తల్లిదండ్రులకి శుభాకాంక్షలు చెప్పటం అంటే వాళ్ళకి

జీవితాంతం వాళ్ళకి సేవచేయటం

కాని స్వతంత్ర భావాలకి అలవాటు పడి,

మనకెందుకులే అనుకుని బ్రతుకుతున్న మనలాంటి వాళ్ళకి ఇదెప్పుడు బోధపడదు.

-నందు

18-Jun-2017

Tuesday, February 28, 2017 -

కవితలు, జీవితం, తెలుగు, తెలుగు కవితలు, నందు, నిజాలు, ఫీలింగ్స్, సత్యాలు

0 comments

గతమెప్పుడు గమ్మత్తుగా

గతమెప్పుడు గమ్మత్తుగా ఉంటుంది

నువ్ ప్రస్తుతాన్ని ఆస్వాదిస్తే....

అదే గతం ఇంకా బాధని కలిగిస్తుంది

నువ్వింకా దాని గురించే ఆలోచిస్తుంటే...

-నందు.

Saturday, November 26, 2016 -

కవితలు, తెలుగు కవితలు, నందు, నిజాలు, ప్రత్యేకం, ఫీలింగ్స్, సత్యాలు

0 comments

యుద్ధం -ఆట

ఆటలో గాని

యుద్దంలో గాని

నువ్వు ఓడిపోయావంటే

నువ్వు బలహీనుడవని కాదు

ఎదుటివాడు నీకంటే బలవంతుడని అర్థం

-నందు

Thursday, November 03, 2016 -

LOVE, కథలు, కవితలు, జీవితం, నందు, నిజాలు, ప్రత్యేకం, ప్రేమ, ప్రేమలు రకాలు, బాధ

1 comments

బాధ కూడా బాగానే ఉంటుంది

మనం ప్రేమించిన వ్యక్తి మనకి దూరం అయినపుడో/ మోసం చేసినపుడో భరించలేనంత బాధ.
పరీక్షల్లో పాస్ అవ్వలేదనో, ఫస్టు ర్యాంకు రాలేదనో బాధ.
వెళ్లిన ప్రతిసారి ఉద్యోగం దక్కకపోతే,
చచ్చిపోవాలి అనిపించేంత బాధ.
నమ్మిన వాళ్లు మోసం చేసినపుడు,
అయినవాళ్ళందరూ దూరమైనపుడు,
బ్రతకకూడదు అనిపించేంత బాధ.
ఎంతో ప్రేమతో పెంచుకున్న మొక్కో, కుక్కో,
ఇష్టపడి కొనుక్కున్న వస్తువు పోతేనో, పాడైపోతేనో బాధ.
అమ్మ తిట్టిందనో, నాన్న కొట్టాడనో బాధ...
నిజమే
ప్రతి మనిషి జీవితంలో బాధలుంటాయి
చాలా మందిమి బాధ దగ్గరే ఆగిపోతున్నాం.
అందుకే వ్యక్తి మీద కక్ష కట్టెస్తున్నాం,
జీవితం మీద విరక్తి చెందుతున్నాం,
అందుకే చిన్న చిన్న వాటికి
అసలీ బ్రతుకే వద్దనుకుంటున్నాం..

కాని ఎర్రటి ఎండాకాలం తర్వాత వర్షాకాలం వచ్చి మనుషుల్ని(మనసుల్ని) స్పృశింప చేసినట్లు
శిశిర ఋతువు వచ్చి చెట్ల ఆకుల్ని రాల్చితే,
ఆ వెంటనే వచ్చే వసంత ఋతువు అవే చెట్లను మళ్ళి చిగురింపజేసినట్లు...

మనిషి జీవితంలో కూడా బాధ తర్వాత ఆనందం ఉంటుంది.
కాని ఆ ఆనందాన్ని పొందటానికి బాధల్ని అధిగమించలేకపోతున్నాం.
మనలో ఆ బాధని అధిగమించే శక్తి ఉంటే
అవును నిజంగా బాధ కూడా హాయిగానే ఉంటుంది

-నందు