నేను-నా ఫీలింగ్స్...!!!

మనకెప్పుడు  తనతో  గొడవపడాలని , 

తనతో సరదాకైనా పొట్లాడాలని ఉండదు 

కాని ఒక్కోసారి అవి అలా జరిగిపోతూ ఉంటాయ్,

కోపం తో తనపై అరిచేస్తామా ... 

అది కూడా కొద్ది  సేపే ...

మళ్ళి తనతో  మాట్లాడాలనిపిస్తుంది ,

మరుక్షణమే  తనని చూడాలనిపిస్తుంది, 

తనతోనే ఉండాలనిపిస్తుంది ...

తనతో పోట్లాడిన  ప్రతి సారి తన మీద  ప్రేమ పెరుగుతుందే కాని ఎప్పటికి తగ్గదు...

ఏ బంధంలోనైనా గొడవలు బేధాభిప్రాయాలు సహజం  

వాటిని అర్థం చేసుకుని అధిగమిస్తేనే జీవితం సుఖమయం ...!!!

                                                   -నందు 

తనని ఎంతగానో ప్రేమిస్తాం ,

తనే జీవితంగా బ్రతికేస్తాము , 

కష్టమొచ్చిన, నష్టమొచ్చిన తనకే చెప్పేస్తాం...!!

ఏ చిన్న విషయమైన తన దగ్గర దాచటానికి కూడా ఇష్టపడం,

తనంటే  నమ్మకం, తనే ఇకపై  మన జీవితం...

కాని  ఉన్నట్టుండి ఒక రోజు,ఏదో ఒక విషయంలో,

అది కూడా ఒక చిన్న భేదాభిప్రాయం వల్ల తనని దూరం పెట్టేస్తాం (దూరం అవుతాం)

ఇన్నాళ్ళు తనే మనంగా బ్రతికిన మనం 

తను చేసిన చిన్ని తప్పుల్ని మన్నించలేమా ?

ఈ ప్రపంచంలో ఎవ్వరు ఏ తప్పు చేయకుండా ఉండలేరు

 అలాంటిది ఇలా చిన్ని చిన్ని కారణాల

వల్ల తనని దూరం చేసుకోవటానికి తనకి దూరంగా ఉండటానికి నిర్ణయించుకుంటాం... 

తను లేకుండా మనకి కొత్త జీవితం ఉండొచ్చు 
కాని అన్ని తనే అనుకున్న తనే వెళ్లిపోయినపుడు 

గురువు లేని బడి,
దేవత(దేవుడు) లేని  గుడి,

చంద్రుడు లేని ఆకాశం, 

సూర్యుడు లేని ఉషోదయంలా  ఉంటుంది మన(తన) జీవితం ...  

ఒక చిన్ని నిర్ణయం రెండు నిండు జీవితాలు 

అంతా మన చేతుల్లోనే, అంత మన నిర్ణయాలలోనే ..!!!
                                                -నందు 

P .S : తను అంటే మనం ఇష్టపడే వారు ఎవరైనా అయిన కావచ్చు 

ఈ మిథ్యా ప్రపంచంలో ఏవి శాశ్వతం కావు...

గెలుపోటములు, సుఖదుఃఖాలు,

బంధాలు, అనుబంధాలు,

నువ్వు, నేను, మనందరం...

చరిత్రలు కుడా చిదిమేస్తే చెదిరిపోతాయి 

వాటి గురించి మాట్లాడటం మానేస్తే మరుగునపడి 

కాలగర్భంలో కలిసిపోతాయి

మనకంటూ ప్రసాదితమైంది ప్రస్తుతం మాత్రమే

నేస్తం అనుభవించు ప్రస్తుతాన్ని ప్రతి క్షణం...

                               -నందు

ప్రేమంటే మనసుని పారేసుకోవటం కాదు

నువ్వున్నపుడు కాలాన్ని,

నువ్వు లేనప్పుడు సంతోషాన్ని,ఆనందాన్ని కోల్పోవటం

నీ సానిహిత్యంలో ఎడబాటుని,

నీ మాటలతో మౌనాన్ని,

నీ తోడులో ఒంటరితనాన్ని పారేసుకోవటం...!!!
                         -నందు 
     

నాకు సముద్రమంత ప్రేమ కావాలి

నాకే కాదు నీకు,తనకు, మనందరికీ సముద్రమంత ప్రేమ కావాలి

మరి ఈ విశ్వమంతటికి ప్రేమను పంచేవారెక్కడి నుండి రావాలి ??

నీకు సముద్రమంత ప్రేమ కావాలన్నపుడు 

కనీసం నీవు కాలువంతైనా ప్రేమను పంచాలి కదా??

ఆశించటం మానేసి ఇవ్వటం మొదలెడితే విశ్వమంతా ప్రేమతో నిండిపోతుంది. 

                                                                                -నందు

భర్త భరించేవాడు కావాలి 

భాదించేవాడు కాదు 

భార్య అర్థం చేసుకునేదిగా ఉండాలి 

కాని వాదించేదిగా కాదు....

అప్పుడే జీవితం సాగుతోంది కలకాలం

                                       -నందు

నీ అనుకునే వాళ్ళు

నిన్ను ప్రాణం కన్నా మిన్నగా ప్రేమించే వాళ్ళు

- నందు