నేను-నా ఫీలింగ్స్...!!!: ప్రేమ జ్ఞాపకాలు

నేను-నా ఫీలింగ్స్...!!!

నా మనసు మౌనంగా రోదిస్తుంది, నా గుండె తన గొంతుకను చీల్చుకుని తన మనోవేదనను తెలపటానికి తాపత్రయ పడుతుంది. నా మనసులో మౌనంగా నిర్మించుకున్న మరో లోకమే ఈ నేను నా ఫీలింగ్స్.... మనసులో జరిగే చర్య ప్రతి చర్యల ద్వారా, ప్రకృతిలో జరిగే పరిణామాలను ఆధారంగా చేసుకుని నాకు నచ్చిన(తోచిన) విధంగా రాస్తున్నాను... నచ్చితే స్వాగతిస్తారని ఆశిస్తూ.. .నందు

Monday, December 24, 2012 -

జీవితం, నిజాలు, ప్రత్యేకం, ప్రేమ, ఫీలింగ్స్, సత్యాలు

11 comments

ప్రేమ జ్ఞాపకాలు

ఎవరినో ప్రేమిస్తావు

మరెవరినో పెళ్లి చేసుకుంటావు

గుండె లోతుల్లో ఒకరు గుండెలపై మరొకరు..

నీలో ఒకరు, నీతో ఒకరు..

తనపై నీ ప్రేమకు గుర్తుగా నీ మెయిల్ ఐడికో,

లేక నీ కంప్యూటర్ కో తన పేరుని పాస్ వర్డ్ గా తగిలిస్తావు

తన పేరునో లేక తన పేరులోని మొదటి అక్షరంతోనో నీ పిల్లలకి పేరు పెట్టుకుని మురిసిపోతావు

తను గుర్తోచ్చినపుడల్లా నీలో అనాలోచితంగా ఏవో స్పందనలు

తను గుర్తొచ్చిన ఆనందంలోనో లేక తనతో వీడిపోయినందుకు కలుగుతున్న ఆవేదనతోనో.

ఆ రెండింటిని గుర్తుపట్టకుండా

సాయంకాలపు వెలుగులను కమ్ముకొస్తున్న కారు చీకట్లు

కప్పెసినట్లు ఎప్పుడు నింపాదిగా ఉండే నీ నిర్మలమైన మనసు...

ఓ మనిషి...!!!

ఇవేనా నీ విరహ వేదనకు సాక్షాలు...