కాలం చెప్పే సమాధానం చాలా గట్టిది


ఎవరెన్ని వేషాలేసినా
ఎవరెన్ని వెకిలి చేష్టలు చేసినా
ఎవరెన్ని నీతులు చెప్పినా
ఎవరెన్ని గోతులు తీసినా
ఎవరెన్ని కుట్రలు పడినా
ఎవరెన్ని కథలు చెప్పినా
ఎవరెన్ని కథలు పడినా
నీ ముందు నవ్వుతూ మాట్లాడి 
వెనకాల ఎన్ని గోతులు తీసినా
ఎవడెంత చులకనగా చూసినా
ఎవడెంత స్వార్థంగా మారినా
కొన్ని సార్లు మౌనంగా ఉండటం మంచిది
ఎందుకంటే కాలం చెప్పే 
సమాధానం చాలా గట్టిది
- నందు

నీకు నచ్చనంత మాత్రాన

 నీకు నచ్చనంత మాత్రాన చెడ్డొడ్నీ కాదు

నీకు మాత్రమే నచ్చితే గొప్పొడ్నికాదు


నేను నీకు నచ్చలేదంటే

నువు పాడే ప్రతి పాటకి 

నేను తందనాన అనకపోవడం

నువ్వు చెప్పినట్లు వినకపోవటం అంతే

అంతే కానీ నువ్వే మంచి 

నేను కాదు అని కాదు దానార్థం

- నందు

దేవుడున్నాడు

 మనకి కష్టాలు,బాధలు వస్తే

దేవుడున్నాడు, చూస్తాడని నమ్మే మనం,

వేరే వాళ్ళని బాధపెట్టేటప్పుడో,

మోసం చేసేటప్పుడో లేదా తప్పు చేసేటప్పుడో

మాత్రం దేవుడ్ని మర్చిపోతాం


ఎందుకంటే

కళ్ళు తెరిస్తేనే ఎవరో చూస్తారు 

అని కళ్ళు మూసుకుని పాలు తాగే 

పిల్లి రకం మనందరం

-నందు. 

#randomthoughts

అంతేగా !!

 కావాలనుకున్నప్పుడు 

ఏ కారణాన్ని ఎత్తి చూపము

కానీ వద్దన్నుకున్నపుడే 

వందల సాకులు వెతుకుతాం

 అది వస్తువుకైనా, మనిషికైనా....!!

-నందు

లోగుట్టు పెరుమాళ్ళకెరుక ...!!!

 ॥ నందు॥ 19.04.2023॥ 

 మాటలతో మార్చే వాళ్ళు, 

మనుషుల్ని ఏమార్చే వాళ్ళు, 

రెచ్చగొట్టే వాళ్ళు, చిచ్చు పెట్టే వాళ్ళు, 

 ఒకరి మీద పడి ఏడిచే 

 వాళ్ళున్న సమాజంలో ఉన్నాం మనం 

మనకంటూ ఒక స్టాండ్ ఉండాలి 

 ఏది నిజమో, ఎది అబద్దమో, 

అసలు నిజమేదో తెలుసుకోగలగాలి 

ఎవరూ ఎలాంటి వాళ్ళు, 

ఎవరూ ఎలా ఉంటారు 

అనే బేరీజు వేసుకొగలగాలి 

 ఇవాళ నిన్ను రెచ్చగొట్టే వాడు 

 నీ అవసరం తీరాక, 

 లేక నీతో పొసగక 

రేపు నీమీదికే ఇంకొకరిని 

 రెచ్చగొట్టడన్న నమ్మకం లేదు 

నీతో ఇన్నాళ్లు ప్రేమగా మాట్లాడేవాడు, 

 నీ ఏడుపును కోరుకోడు 

 అన్న నమ్మకం లేదు 

 జరుగున్న మార్పులను 

 గమనిస్తూనే ఉండాలి 

ఎదుటి వారి మీద మనకంటూ 

ఒక నిర్దిష్ట అభిప్రాయం 

ఏర్పరచుకోవాలి 

 రెచ్చగొట్టగానే రెచ్చిపోవద్దు 

కన్నీరు కార్చగానే కరిగిపోవద్దు 

ఏ మాట వెనకాల 

 ఏ అవసరం ఉందో 

ఏ పలకరింపు మాటున 

 ఏ పెను విషాదం దాగుందో 


 లోగుట్టు పెరుమాళ్ళకెరుక !!

-నందు

Thursday, July 27, 2023 - 0 comments

ఇరుకిల్లు

ఇంట్లో అర్థం చేసుకునే మనుషులు,
సర్దుకుపోయే గుణాలుంటే
ఇరవై మందితో కలిసున్నా బాగానే ఉంటుంది,
ఇరుకిల్లు కూడా ఇంద్రభవనంలాగే ఉంటుంది.

కానీ ఇరుకు మనుషులుంటే
ఇద్దరున్న ఇంద్రభవనం కూడా
దాని తేజస్సుని కోల్పోతుంది.
నీకెన్ని ఆస్తులున్నా,
అంతస్తులున్నా 
అనాధగానే బ్రతకాల్సి వస్తుంది 
-నందు

నేటి బంధాలు


 

విలువలు - ఉలవలు


మనం బాగున్నప్పుడు లెక్కలు మాట్లాడి
ఇబ్బందుల్లో ఉన్నప్పుడు  విలువలు,
 ఉల్వలు  అంటూ మాట్లాడకూడదు
మనిషికి ఇచ్చే విలువ 
ఎప్పుడు ఒకేలా ఉండాలి
స్థాయిని బట్టి,
 డబ్బుని బట్టి మారకూడదు
-💚దు

మనం అనర్హులం

మనం పుట్టినప్పటి నుండి 
తను చనిపోయే వరకు 
మన గురించే ఆలోచించే 
మన అమ్మ గురించి 
ఎన్నడూ సరిగ్గా పట్టించుకోని మనం, 
మాతృదినోత్సవం జరుపుకోవటానికే కాదు 

మాట్లాడుకోవటానికిి కూడా అనర్హులం..!!!
-నందు
#HappyMothersDay
#MothersDay
#TheOtherSide

ఉండి లేనట్లు


జీవితంలో అందరు ఉన్నప్పుడు, 
అన్ని ఉన్నపుడు బాగానే ఉంటుంది 
ఎవ్వరు లేనప్పుడు ,
ఏమి లేనప్పుడు కూడా బాగానే ఉంటుంది 
కానీ ఎప్పుడైతే 
అందరు ఉండి ఉండనట్లు, 
అన్నిఉండి, లేనట్లు ఉంటుందో 
దాన్ని మించిన నరకం ఇంకోటి ఉండదు...!! 
-నందు.  
08-03-2020