నేను-నా ఫీలింగ్స్...!!!

నా మనసు మౌనంగా రోదిస్తుంది, నా గుండె తన గొంతుకను చీల్చుకుని తన మనోవేదనను తెలపటానికి తాపత్రయ పడుతుంది. నా మనసులో మౌనంగా నిర్మించుకున్న మరో లోకమే ఈ నేను నా ఫీలింగ్స్.... మనసులో జరిగే చర్య ప్రతి చర్యల ద్వారా, ప్రకృతిలో జరిగే పరిణామాలను ఆధారంగా చేసుకుని నాకు నచ్చిన(తోచిన) విధంగా రాస్తున్నాను... నచ్చితే స్వాగతిస్తారని ఆశిస్తూ.. .నందు

Tuesday, June 30, 2015 -

కవితలు, జీవితం, నిజాలు, ప్రత్యేకం, ఫీలింగ్స్, బాధ, సత్యాలు

జీవితం లోతు తెలియని సముద్రం..!!

జీవితం:

లోతు తెలియని సముద్రం.

ఎత్తుకోలవలేని ఆకాశం..!!

జీవితం:

రాజీ లేని పోరాటం.

అదొక అలుపెరగని పయనం..!!

జీవితం గురించి కొంత మందికి

చదివితే తెలుస్తుంది

మరికొంత మందికి

నిశితంగా పరిశీలిస్తే అర్థం అవుతుంది

కాని చాలా మందికి అనుభవిస్తేనే బోధపడుతుంది...

-నందు

Tuesday, June 23, 2015 -

కవితలు, తెలుగు, తెలుగు కవితలు, నందు, నిజాలు, ప్రత్యేకం, ఫీలింగ్స్, బాధ, సత్యాలు

వద్దనుకున్నాక

ఒక్కసారి వద్దనుకున్నాక,
దాని గురించి ఆలోచించటం మానేయాలి
అది వస్తువైనా, మనిషైనా....
-నందు.

Sunday, June 21, 2015 -

జీవితం, తెలుగు, తెలుగు కవితలు, నందు, నిజాలు, ప్రత్యేకం, ఫీలింగ్స్, సత్యాలు

ఓటమి కూడా సంతోషాన్నిస్తుంది

కొన్నిసార్లు
ఓటమి కూడా సంతోషాన్నిస్తుంది,
బాధ కూడా బాగానే ఉంటుంది.
ఇష్టమైన వారి చేతిలో ఓడితే...!!!
-నందు

Saturday, June 20, 2015 -

జీవితం, నిజాలు, ప్రత్యేకం, ప్రేమ, ప్రేమలు రకాలు, ఫీలింగ్స్, బాధ, సత్యాలు

చరిత్రలో ప్రేమకథలు

చరిత్రలో కొన్ని ప్రేమకథలు వినటానికి బావుంటాయ్,

సినిమాల్లో కొన్ని ప్రేమ కథలు చూడటానికి బావుంటాయ్,

కథల్లో కొన్ని ప్రేమకథలు రాయటానికి బావుంటాయ్,

పుస్తకాల్లో కొన్ని ప్రేమ కథలు చదవటానికి బావుంటాయ్,

కాని నిజ జీవితంలో చాలా ప్రేమకథలు వినకపోతేనే బావుంటాయ్,

వాటి గురించి మాట్లాడుకోకపోతేనే మరింత బావుంటాయ్..

-నందు

Monday, June 15, 2015 -

కవితలు, జీవితం, తెలుగు, తెలుగు కవితలు, నిజాలు, ప్రత్యేకం, ఫీలింగ్స్, సత్యాలు

జీవితం-గెలుపు

గెలుపంటే ఏంటి ??

నీ విజయమా ?

మరొకరి ఓటమా ??

యుద్ధంలో శత్రువుని చంపటమా ??

ఓడించటమా ??

జీవితమంటే ఏంటి ??

నువ్వు కోరుకున్నదా ?

నువ్వు బ్రతకాలనుకున్నదా ?

లేక ఇప్పుడు బ్రతుకుతున్నదా ??

ఇలాంటి ప్రశ మొదలై

సమాధానం కొరకు అన్వేషణ మొదలైతే

నీ జీవితంలో నీవు గెలిచినట్లే...!!!

-నందు

Saturday, June 06, 2015 -

కవితలు, జీవితం, తెలుగు, నందు, నిజాలు, ప్రత్యేకం, ప్రేమ, ఫీలింగ్స్, సత్యాలు

పదాలు ప్రేమగా-మాటలు మత్తుగా

Anandgoudpedduri

పదాలు ప్రేమగా ఉంటాయ్,

మాటలు మత్తుగా ఉంటాయ్

ఇష్టమైన 'వారు' మాట్లాడుతుంటే...

పదాలు ప్రేమగా ఉంటాయ్,

మాటలు మధురంగా ఉంటాయ్

ఇష్టమైన 'వారితో' మాట్లాడుతుంటే...

-నందు

Saturday, May 30, 2015 -

నిజాలు, ప్రత్యేకం, ప్రేమ, ప్రేమలు రకాలు, ఫీలింగ్స్, సత్యాలు

నువ్ ఒంటరిగా ఉన్నప్పుడు

నువ్ ఒంటరిగా ఉన్నప్పుడు,

నీకేం తోచనపుడు,

నీకిష్టమైన వారితో మాట్లాడాలనిపించినపుడు,

ఆ మాట్లాడాల్సిన్న వ్యక్తి నీతో

నీతో మాట్లాడే పరిస్థితిలో లేనప్పుడు,

మాట్లాడాల్సిన వాటిని ఎక్కడైనా రాసి పెట్టు...

తర్వాత వాటిని చదివినపుడు

అక్షరాలు అందంగా కనిపిస్తాయ్

పదాలు కూడా ప్రేమగా పలకరిస్తాయ్,

మాటలు ముత్యాల్లా మారతాయ్...

-నందు

Tuesday, May 19, 2015 -

జీవితం, నిజాలు, ప్రత్యేకం, ప్రేమ, ప్రేమలు రకాలు, ఫీలింగ్స్, బాధ, సత్యాలు

సుఖం -సంతోషం

మనిషికి తను సుఖపడ్డ క్షణాలు కొన్ని రోజులే గుర్తుంటాయి

కాని సంతోషపడ్డ క్షణాలు జీవితాంతం గుర్తుంటాయి

-నందు

Friday, May 15, 2015 -

కథలు, జీవితం, నిజాలు, ప్రత్యేకం, ప్రేమ, ఫీలింగ్స్, సత్యాలు

సమాధానం లేని ప్రశ్న

అన్ని ప్రశ్నలకి మనమే సమాధానం చెప్పలేం, తెలుసుకోలేం..
కొన్నింటికి కాలం, మరికొన్నింటికి మౌనం,
మాటలతో చెప్పలేని వాటికి మనసు
ఇంకోన్నింటికి నీ జీవితం...
ఇలా ఏదో ఒక విధంగా సమాధానం దొరుకుతూనే ఉంటుంది..
అసలు సమాధానం లేని ప్రశ్నే లేదు ఈ విశ్వంలో...!!!
సమాధానం దొరకలేదంటే,
నీకు సమయం సరిపోకపోయి ఉండాలి లేదా
దాని మీద నీకు ఆసక్తి లేకుండా ఉండి ఉండాలి
ఈ రెండు కాదంటే అదసలు ప్రశ్నే కాకపోయి ఉండాలి
-నందు

Thursday, April 23, 2015 -

కథలు, కవితలు, జీవితం, నందు, నిజాలు, ప్రత్యేకం, ఫీలింగ్స్, సత్యాలు

మనుషుల్ని, విలువల్ని సంపాదించటం కూడా...!!!

సంపాదించటం అంటే కేవలం డబ్బునే కాదు

మనుషుల్ని, విలువల్ని సంపాదించటం కూడా...!!!

కష్టాల్లో ఉన్నప్పుడు మనల్ని గట్టెక్కించే వారిని సంపాదించటం,

ఆపదలో ఆదుకునే వారిని సంపాదించటం,

బాధల్లో ఉన్నప్పుడు దైర్యాన్ని నింపే వారిని,

మన కోపాల్ని అర్థం చేసుకునే వారిని సంపాదించటం....!!!

ఇవన్ని సంపాదించుకోలేని వాడు కష్టపడి కోట్లు కూడబెట్టినా

అవి కొన్ని సార్లు దేనికి పనికి రావు...

-నందు

Subscribe to: Posts (Atom)