నేను-నా ఫీలింగ్స్...!!!

అన్ని ప్రశ్నలకి మనమే సమాధానం చెప్పలేం, తెలుసుకోలేం..
కొన్నింటికి కాలం, మరికొన్నింటికి మౌనం,
మాటలతో చెప్పలేని వాటికి మనసు
ఇంకోన్నింటికి నీ జీవితం...
ఇలా ఏదో ఒక విధంగా సమాధానం దొరుకుతూనే ఉంటుంది..
అసలు సమాధానం లేని ప్రశ్నే లేదు ఈ విశ్వంలో...!!!
సమాధానం దొరకలేదంటే,
నీకు సమయం సరిపోకపోయి ఉండాలి లేదా
దాని మీద నీకు ఆసక్తి లేకుండా ఉండి ఉండాలి
ఈ రెండు కాదంటే అదసలు ప్రశ్నే కాకపోయి ఉండాలి
-నందు

Thursday, April 23, 2015 -

కథలు, కవితలు, జీవితం, నందు, నిజాలు, ప్రత్యేకం, ఫీలింగ్స్, సత్యాలు

0 comments

మనుషుల్ని, విలువల్ని సంపాదించటం కూడా...!!!

సంపాదించటం అంటే కేవలం డబ్బునే కాదు

మనుషుల్ని, విలువల్ని సంపాదించటం కూడా...!!!

కష్టాల్లో ఉన్నప్పుడు మనల్ని గట్టెక్కించే వారిని సంపాదించటం,

ఆపదలో ఆదుకునే వారిని సంపాదించటం,

బాధల్లో ఉన్నప్పుడు దైర్యాన్ని నింపే వారిని,

మన కోపాల్ని అర్థం చేసుకునే వారిని సంపాదించటం....!!!

ఇవన్ని సంపాదించుకోలేని వాడు కష్టపడి కోట్లు కూడబెట్టినా

అవి కొన్ని సార్లు దేనికి పనికి రావు...

-నందు

Sunday, April 19, 2015 -

review, ప్రత్యేకం, ప్రేమ, ఫీలింగ్స్, రివ్యూ

0 comments

ఓకే బంగారం

ఓకే బంగారం:

వయసుతో పనిలేకుండా
ప్రేమలో ఉన్న వాళ్ళు,
ప్రేమలో పడ్డవాళ్ళు,
ప్రేమలో గెలిచిన వాళ్ళు,.
తప్పకుండా చూడాల్సిన సినిమా...!!!
లివింగ్ రిలేషన్షిప్ పై నేటి యువత తీరుని ప్రధానంగా తీసుకుని,
ప్రేమకి,వ్యామోహానికి మధ్యలో ఒకచిన్న నిజాయితిని సృష్టించి....
ఫారెన్ లోకేషన్లు, పెద్ద పెద్ద ఫైట్లు లేకుండా తీసిన ఒక ఒక రిచ్ సినిమా...
సినిమా పై మనసుపెట్టి చూడండి
మణిరత్నం కనిపిస్తాడు,
ఏఆర్ రహమాన్ కురిపిస్తాడు(సంగీతం),
పిసి శ్రీరాం మెరిపిస్తాడు(ఛాయాగ్రహణం)..
ఒకే ఫ్రేములో రెండు ప్రేమ కథలను నడిపించటం...
నిత్య ఇంకా అందంగా కనబడింది, ఇంకొన్నాళ్ళు యువ ప్రేమికుల గుండెల్లో
నిండి ఉంటుందనడంలో సందేహం లేదు..
మంచి ఫీల్ ఉన్న సినిమా,
మంచి ఫీల్ ని కలిగించే సినిమా ...!!!
కొన్ని జ్ఞాపకాలు గుర్తొస్తాయ్,
ఇంకొన్ని జ్ఞాపకాలు వెంటాడతాయ్,
కాని మళ్ళి ఇంకొన్ని జ్ఞాపకాలు మిగిలిపోతాయ్.

చరిత్రలో ప్రేమ కథలెప్పుడు హిట్టే,
కాని చూపే విధానంలో, తీసే విధానంలో
చాలా మంది ఫెయిల్ అవ్తున్నారు...
ఈ సినిమా "ఓకే" కాదు చాలా చాలా "ఓకే"

p.s:రెగ్యులర్ రొటీన్, మాస్ సినిమాలు చూసే వారికిది నచ్చదు..
థియేటర్ కి వెళ్లి టైం వెస్ట్ చేసుకోకండి..
ఇది కేవలం నా వ్యక్తిగత అభిప్రాయం

-నందు

Thursday, April 09, 2015 -

జీవితం, నిజాలు, ప్రత్యేకం, ప్రేమలు రకాలు, ఫీలింగ్స్, బాధ, సత్యాలు

0 comments

అంతులేని కథ

కొన్నాళ్ళ తర్వాత:

Continued last Post:

ఆమె:మళ్ళి కనపడనన్నావ్??
అతడు:మళ్ళి ఎందుకు మాట్లాడావ్ ??
ఆమె:అప్పుడు కోపం లో అన్నా..
అతడు:నేనప్పుడు బాధలో ఉన్నా
ఆమె: నువ్వేమి మారలేదు
అతడు: నువ్వు ఇంకా అలానే ఉన్నావ్
ఆమె: నీ మాటలు గుచ్చుకుంటున్నాయ్
అతడు: నీ జ్ఞాపకాలు గుచ్చుకుంటున్నాయ్
ఆమె:ఎన్నాళ్ళిలా బ్రతుకుతావ్ ??
అతడు:ఇలా బ్రతకలేనని తెలిసినతకాలం
ఆమె:....
అతడు:....

-నందు