నేను-నా ఫీలింగ్స్...!!!

అన్ని ప్రశ్నలకి మనమే సమాధానం చెప్పలేం, తెలుసుకోలేం..  
కొన్నింటికి కాలం, మరికొన్నింటికి మౌనం,
మాటలతో చెప్పలేని వాటికి మనసు   
ఇంకోన్నింటికి నీ జీవితం... 
ఇలా ఏదో ఒక విధంగా సమాధానం దొరుకుతూనే ఉంటుంది..  
అసలు సమాధానం లేని ప్రశ్నే లేదు ఈ  విశ్వంలో...!!! 
సమాధానం దొరకలేదంటే, 
నీకు సమయం సరిపోకపోయి ఉండాలి లేదా 
దాని మీద నీకు ఆసక్తి లేకుండా ఉండి ఉండాలి 
ఈ రెండు కాదంటే అదసలు ప్రశ్నే కాకపోయి ఉండాలి 
                                   -నందు 

ఓకే బంగారం:

వయసుతో పనిలేకుండా 
ప్రేమలో ఉన్న వాళ్ళు, 
ప్రేమలో పడ్డవాళ్ళు, 
ప్రేమలో గెలిచిన వాళ్ళు,.
తప్పకుండా చూడాల్సిన సినిమా...!!!
లివింగ్ రిలేషన్షిప్ పై నేటి యువత తీరుని ప్రధానంగా తీసుకుని,
ప్రేమకి,వ్యామోహానికి మధ్యలో ఒకచిన్న నిజాయితిని సృష్టించి....
ఫారెన్ లోకేషన్లు, పెద్ద పెద్ద ఫైట్లు లేకుండా తీసిన ఒక ఒక రిచ్ సినిమా...
సినిమా పై మనసుపెట్టి చూడండి
మణిరత్నం కనిపిస్తాడు, 
ఏఆర్ రహమాన్ కురిపిస్తాడు(సంగీతం), 
పిసి శ్రీరాం మెరిపిస్తాడు(ఛాయాగ్రహణం)..
ఒకే ఫ్రేములో రెండు ప్రేమ కథలను నడిపించటం...
నిత్య ఇంకా అందంగా కనబడింది, ఇంకొన్నాళ్ళు యువ ప్రేమికుల గుండెల్లో 
నిండి ఉంటుందనడంలో సందేహం లేదు..
మంచి ఫీల్ ఉన్న సినిమా,
మంచి ఫీల్ ని కలిగించే సినిమా ...!!! 
కొన్ని జ్ఞాపకాలు గుర్తొస్తాయ్, 
ఇంకొన్ని జ్ఞాపకాలు వెంటాడతాయ్, 
కాని మళ్ళి ఇంకొన్ని జ్ఞాపకాలు మిగిలిపోతాయ్. 

చరిత్రలో ప్రేమ కథలెప్పుడు హిట్టే, 
కాని చూపే విధానంలో, తీసే విధానంలో 
చాలా మంది ఫెయిల్ అవ్తున్నారు...
ఈ సినిమా "ఓకే" కాదు చాలా చాలా "ఓకే"

p.s:రెగ్యులర్ రొటీన్, మాస్ సినిమాలు చూసే వారికిది నచ్చదు..
థియేటర్ కి వెళ్లి టైం వెస్ట్ చేసుకోకండి..         
ఇది కేవలం నా వ్యక్తిగత అభిప్రాయం  
        
                     -నందు

కొన్నాళ్ళ తర్వాత:
  
Continued last Post:

ఆమె:మళ్ళి కనపడనన్నావ్??
అతడు:మళ్ళి ఎందుకు మాట్లాడావ్  ??
ఆమె:అప్పుడు కోపం లో అన్నా..
అతడు:నేనప్పుడు బాధలో ఉన్నా
ఆమె: నువ్వేమి మారలేదు
అతడు: నువ్వు ఇంకా అలానే ఉన్నావ్
ఆమె: నీ మాటలు గుచ్చుకుంటున్నాయ్
అతడు: నీ జ్ఞాపకాలు గుచ్చుకుంటున్నాయ్
ఆమె:ఎన్నాళ్ళిలా బ్రతుకుతావ్ ??
అతడు:ఇలా బ్రతకలేనని తెలిసినతకాలం
ఆమె:....
అతడు:....

చాన్నాళ్ళ తర్వాత::
ఆమె: ఎలా ఉన్నావ్ ??
అతడు:ఇంకా బ్రతికే ఉన్నా
ఆమె:నువ్వింకా గుర్తొస్తావ్ నాకు
అతడు: నేనింకా మర్చిపోలేదు నిన్ను
ఆమె:ఎందుకలా మాట్లాడుతున్నావ్ ?
అతడు: మరెలా మాట్లాడమంటావ్
ఆమె: నేనప్పుడు కావాలని వెళ్ళిపోలేదు
అతడు: కాని నేను కావాలనుకున్నపుడు వెళ్ళిపోయావు కదా
ఆమె: ఇప్పుడు నన్నేం చేయమంటావ్
అతడు:అది నన్నెందుకు అడుగుతున్నావ్  ?
అయినా ఆరోజు నన్నడిగే వెళ్ళిపోయావా
ఆమె: అప్పుడు నా జీవితం నా చేతిలో లేదు
అతడు:ఇప్పుడు మాత్రం నీ చేతిలో ఉందా ??
ఆమె:ఛ,నువ్వెప్పుడు ఇంతే ఎప్పటికి అర్థం చేసుకోవు
అతడు:అవును నేనప్పటికి అర్థం కాను నీకు.
ఆమె: ఇంకోసారి మాట్లాడను
అతడు: నేనుకూడా ఇంకోసారి కనపడను...
                                           -నందు                              

Inspired by one of my Facebook friends

                                                         (ఇంకా ఉంది)
                               

గెలిచినపుడు సంతోషించటం...,
ఓడినపుడు బాధపడటం..., 
గెలుపుని ఆస్వాదించినపుడు 
ఓటమిని కూడా ఓర్చుకోవాలి, 
బాధని తట్టుకోనగలగాలి...
అది ఆటలోనైనా... 
జీవితంలోనైనా... 
ఆటకి వ్యవధి, గడువు ఉంటుంది
జీవితానికే నిర్దిష్ట వ్యవధి ఉండదు
అంతే తేడా..

కాలం చెల్లినపుడు కనుమరుగవటమే...
గెలుపు, ఓటమి కంటే పోరాడటం ముఖ్యం 
గడువు తీరేవరకు...
గమ్యం చేరేవరకు...
                         -నందు