Sunday, May 12, 2013 - , 1 comments

అమ్మ ప్రేమ




అమ్మని గురించి అమ్మ ప్రేమ గురించి చెప్పటానికి 
ప్రత్యేకంగా ఒక రోజు కావాలా 
అమ్మ తోడుంటే ప్రతి రోజు మధురమేగా 
ప్రతి డే  మదర్స్ డే  నే కదా... !!! 
  
                   -నందు
Friday, May 10, 2013 - , 0 comments

ఎందుకో ఏమో..!!!



తొలిసారి నిన్ను చూసినప్పుడు నీవైపే చూస్తుండిపోయా  
నీవెవరో తెలుసుకోవాలని నీ వెనకే అడుగులేసా 
నీతో పరిచయం అయ్యాక మాట్లాడకుండా ఉండలేకపోయా   
నువ్వు నా తోడయ్యాక నిన్ను విడిచి ఉండలేకపోతున్నా.... !!! 
                               
                                           -నందు
 
Monday, May 06, 2013 - 0 comments

ప్రియా ప్రేమంటే ఇదేనేమో...!!!

నిన్ను తొలిసారి చూసినప్పుడు, 
తొలి సారి నీతో మాట్లాడినప్పుడు, 
అప్పటి నుంచి, 
ఇప్పటిదాకా
నీకోసం ఎదురు చూస్తున్నప్పుడు, 
నిన్ను కలిసినప్పుడు, 
నీతో మాట్లాడినప్పుడు,

ప్రతి సారి అదే అలజడి అదే ఆర్ధత...!!! 

కళ్ళు అలా చూస్తూ ఉండిపోతున్నాయి 
మనసేమో మూగబోతుంది 
ఒక్కోసారి ఏమి మాట్లాడాలనిపించదు 
నిన్ను అలానే చూస్తూ ఉండిపోవాలనిపిస్తుంది 
ఎంత సేపైనా 

నువ్వు నా నుండి దూరంగా వెళ్ళిపోయిన మరుక్షణమే 
మల్లి నిన్ను చూడాలనిపిస్తుంది

ప్రియా ప్రేమంటే ఇదేనేమో 
వీడలేక వీడిపోవటం... !!! 


                  -నందు



Friday, April 19, 2013 - , 0 comments

శ్రీరామ నవమి శుభాకాంక్షలు


మనిషి జీవితంలో తను ఒకే సారి పెళ్లి చేసుకోవాలనుకుంటాడు
కాని ఈ పెళ్లిని మాత్రం ప్రాతి సారి జరిపించాలనుకుంటారు  

ఈ పెళ్లి మాత్రం ఎప్పటికి ప్రత్యేకమే,
ప్రతి సంవత్సరం  నిత్య నూతనమే, 
మనందరికీ ఒక మదుర జ్ఞాపకమే...  
ప్రతి సంవత్సరం మనమే దగ్గరుండి మరీ ఈ పెళ్లిని జరిపిస్తాము 
మనింట్లో పెళ్ళిగా మురిసిపోతాము
ఈ పెళ్లి జరిగాకే మనింట్లో పెళ్ళిళ్ళ గురించి,
పెళ్లి సంబంధాల గురించి అన్వేషణ మొదలెడతాము  
పచ్చని తోరణాలతో, 
మేళ వాయిద్యాల నడుమ ప్రతి సంవత్సరం అంగరంగ వైభవంగా జరిగే ఈ సీతారాములోరి పెళ్ళి ఘనంగా ఇలాగే జరగాలని, జరపాలని కోరుకుంటూ మిత్రులందరికీ శ్రీరామ నవమి శుభాకాంక్షలు 
Wednesday, April 10, 2013 - , 0 comments

శూన్యం లోకి...!!!



అల్లర్లను, ఆనందాలను పక్కకు తోసేసీ,
బంధాలకు,  బాంధవ్యాలకు దూరంగా,  
జరిగిన అనుభవాలను, మిగిలిన అనుభూతులను  భుజాన వేసుకుని 
మనసుని మ్యూట్ లో పెట్టేసి,  
అలా శూన్యం లోకి నడవాలనుంది 
ఇలా ఎంత దూరమైనా...... !!! 
                      
                          -నందు