నేను-నా ఫీలింగ్స్...!!!: బాధ

Showing posts with label బాధ. Show all posts

Friday, January 20, 2023 -

Nandu Writings, కవితలు, తెలుగు, తెలుగు కవితలు, నందు, ఫీలింగ్స్, బాధ, సత్యాలు

0 comments

నేటి బంధాలు

Saturday, December 24, 2022 -

Nandu Writings, కవితలు, తెలుగు, తెలుగు కవితలు, నందు, ఫీలింగ్స్, బాధ, సత్యాలు

0 comments

విలువలు - ఉలవలు

మనం బాగున్నప్పుడు లెక్కలు మాట్లాడి

ఇబ్బందుల్లో ఉన్నప్పుడు విలువలు,

ఉల్వలు అంటూ మాట్లాడకూడదు

మనిషికి ఇచ్చే విలువ

ఎప్పుడు ఒకేలా ఉండాలి

స్థాయిని బట్టి,

డబ్బుని బట్టి మారకూడదు

-న💚దు

Thursday, December 08, 2022 -

Nandu Writings, కవితలు, తెలుగు, తెలుగు కవితలు, నందు, ఫీలింగ్స్, బాధ, సత్యాలు

1 comments

మనం అనర్హులం

మనం పుట్టినప్పటి నుండి

తను చనిపోయే వరకు

మన గురించే ఆలోచించే

మన అమ్మ గురించి

ఎన్నడూ సరిగ్గా పట్టించుకోని మనం,

మాతృదినోత్సవం జరుపుకోవటానికే కాదు

మాట్లాడుకోవటానికిి కూడా అనర్హులం..!!!

-నందు

#HappyMothersDay

#MothersDay

#TheOtherSide

Wednesday, November 10, 2021 -

జీవితం, తెలుగు, తెలుగు కవితలు, ప్రత్యేకం, ఫీలింగ్స్, బాధ, సత్యాలు

0 comments

ఉండి లేనట్లు

జీవితంలో అందరు ఉన్నప్పుడు,

అన్ని ఉన్నపుడు బాగానే ఉంటుంది

ఎవ్వరు లేనప్పుడు ,

ఏమి లేనప్పుడు కూడా బాగానే ఉంటుంది

కానీ ఎప్పుడైతే

అందరు ఉండి ఉండనట్లు,

అన్నిఉండి, లేనట్లు ఉంటుందో

దాన్ని మించిన నరకం ఇంకోటి ఉండదు...!!

-నందు.

08-03-2020

Friday, June 25, 2021 -

Nandu Writings, కథలు, కవితలు, జీవితం, తెలుగు, తెలుగు కవితలు, ఫీలింగ్స్, బాధ, సత్యాలు

0 comments

శెలవు మిత్రమా !

నిజమే !

తెలిసే బంధమనే ఆ చట్రంలో ఇరుక్కున్నావు,

ఇప్పుడు అనుభవిస్తున్నావు,

తప్పదు బయటికి రావాలి

కాదు కాదు దూరంగా రావాలి

ఎదుటివాళ్ళు

నువ్వు, నీ అస్థిత్వంలేని

ప్రశాంత వాతావరణాన్ని

కోరుకుంటున్నపుడు

నువ్వు మౌనంగా వెళ్లిపోవటమే ఉత్తమం.

అక్కడా తప్పు నీదా,

వేరే వాళ్ళదా లేక

ఎవరి వల్ల తప్పు జరుగుతుందనే

విషయాలిప్పుడు అనవసరం...

నువ్వే ఒక సమస్య అయినపుడు

సమాధానం కూడా నువ్వే చెప్పాలి

ఆ సమ్యసనీ తీర్చనప్పుడు

కనీసం అసమస్యకీ

దూరంగా అయినా ఉండాలి

ఇంకెన్నాళ్లు ఇలానే ?

కొత్తగా ఏమి నేర్చుకుంటున్నట్లు ?

ప్రతి సారి ఇదే తప్పు, ఇదే గుణపాఠం !!

తప్పు చేయటం అలవాటయ్యిందా లేక ?

గుణపాఠాన్ని నీ జీవితం అలవాటు పడిందా ??

నువ్వు చెయ్యాలనుకున్నదొకటి,

అక్కడ జరిగేదింకొటి,

పరిస్థితులు పగబట్టినట్లు ప్రవర్తిస్తే

నువ్వెప్పటికీ నిన్ను నిరూపించుకోలేవు

నిన్ను నువ్వు నిరూపించుకోవాల్సిన

అవసరమే లేదక్కడ

అర్థంచేసుకునే పరిస్థితులు లేనప్పుడు,

రావని తెలిసినప్పుడు

అక్కడ ఉండటమే అనవసరం...!!

నీ కోపాన్ని ఆవేశాన్ని,అన్నింటిని

మౌనంగా మడిచి

జేబులో పెట్టుకుని వెళ్ళిపో

చాలిక వెళ్ళు !!

శెలవు మిత్రమా !

-నందు.

08-03-2020

Wednesday, June 16, 2021 -

Nandu Writings, నిజాలు, ఫీలింగ్స్, బాధ, సత్యాలు

0 comments

విలువ

10-02-2020

వస్తువు విలువ పోతేనో,

పాడైపోతేనో తెలుస్తుంది

మనిషి విలువ కూడా

దూరమైపోతేనో

చనిపోతేనో తెలుస్తుంది

-నందు.

Saturday, May 16, 2020 -

Nandu Writings, కవితలు, జీవితం, తెలుగు, తెలుగు కవితలు, నిజాలు, ఫీలింగ్స్, బాధ, సత్యాలు

0 comments

ప్రయాణం - బంధం

ఒక బంధాన్ని గాని,

ప్రయాణాన్ని గాని,

ఇద్దరు మొదలుపెట్టినప్పుడు,

ఆ ప్రయాణంలో ఉండాలా వద్ద అనేది

ఇద్దరు కలిసి ఒక అభిప్రాయానికి రావాలి

అప్పుడే ప్రయాణమైనా,

బంధమైనా సాఫీగా ఉంటుంది

లేదంటే ఏ దారి లేని ఎడారిలోనో

గోదారిలోనో కలిసిపోతుంది

-న💚దు

08-03-2020

Saturday, May 02, 2020 -

Nandu Writings, కవితలు, జీవితం, తెలుగు, తెలుగు కవితలు, నందు, నిజాలు, ప్రేమ, ఫీలింగ్స్, బాధ

0 comments

కొన్ని జ్ఞాపకాలంతే

కొన్ని జ్ఞాపకాలంతే

గుర్తొచ్చినప్పుడల్లా

బాధ కలిగిస్తాయి

కొన్ని జ్ఞాపకాలంతే

జీవితాంతం

గుర్తుంటాయి

-న💚దు

Wednesday, January 29, 2020 -

జీవితం, తెలుగు కవితలు, నందు, నిజాలు, ప్రత్యేకం, ఫీలింగ్స్, బాధ, సత్యాలు

0 comments

జ్ఞాపకాలతో బ్రతికేస్తాం

బతికునప్పుడు మాటల్తో చంపుకుంటాం

చచ్చాక జ్ఞాపకాలతో బ్రతికేస్తాం

-న💚దు

Friday, January 03, 2020 -

కవితలు, జీవితం, తెలుగు, నందు, నిజాలు, ప్రత్యేకం, ప్రేమ, ఫీలింగ్స్, బాధ, సత్యాలు

2 comments

మధ్య రాత్రి కలలు..!!

కొన్ని పరిచయాలు,

కొన్ని బంధాలు,

మద్య రాత్రి గాఢ నిద్రలో

వచ్చే కలల్లగా ఉంటాయి

ఎక్కడ మొదలయ్యాయో గుర్తుండవు,

ఎందుకు ఆగిపోతాయో తెలియవు,

కానీ ఆ కలల్లాగే

కొన్నెప్పుడు

వెంటాడుతూనే ఉంటాయి..!

ఇంకొన్ని మాత్రం

జ్ఞాపకాల్ని వదిలేసి వెళ్తాయి..!!

- న♥️దు

Friday, December 27, 2019 -

కథలు, కవితలు, జీవితం, తెలుగు, నందు, నిజాలు, ఫీలింగ్స్, బాధ, సత్యాలు

0 comments

దూరంగా - దగ్గరగా

నువ్వు దూరంగా ఉన్నప్పుడు

నీ విలువ తెలిసిరాకపోతే

నువ్వు దగ్గరగా ఉన్నా కూడా

ఏమి ప్రయోజనం ఉండదు..!

-న💚దు

Friday, December 20, 2019 -

Nandu Writings, కవితలు, జీవితం, తెలుగు, తెలుగు కవితలు, ఫీలింగ్స్, బాధ, సత్యాలు

2 comments

ప్రజల కోసం నిలబడే వాడే రాజు ..!!

మన రాజ్యం మనకి కావాలని

అందరం కలిసి కొట్లాడినం

మన రాజు మనకుండాలని

మనొడినే రాజుని చేసినం

రాజ్య పాలన పక్కగా

ఉంటదని సంబురపడ్డం

మన రాజ్యం మనకొచ్చింది

మన రాజే మనల్ని ఏలుతుండు

పరిపాలనేమో పక్క దారి పట్టింది....

రాజ్యపాలన కాస్త రాజకీయ పాలన అయ్యింది

ఆనాడు ప్రాణాలకి తెగించి కొట్లాడిన

ఎంతో మంది వీరులు నేడు,

నీడ కూడా లేకుండా పోయారు

రాజేమో దర్బార్లోచి బయటికి రాడు.!

సేనాధిపతి, మంత్రులేమో

చిడతలు వాహించటం మానరు.!!

బంధువులకు, రాబందులకు దోచిపెట్టటానికా

రాజ్యం కోసం యుద్దాలు, ప్రాణ త్యాగాలు చేసింది ??

రాజంటే యుద్దాలు చేయటం, గెలవడమే కాదు

గెలిచిన రాజ్యం, ప్రజల కోసం నిలబడగలగాలి కూడా..!!

చరిత్రలో ఎంతో మంది రాజులున్నారు,

ఎంత గొప్ప రాజైనా గర్వం తలకెక్కిన ప్రతిసారి

స్మశాన్నాళ్లో జ్ఞాపకాలుగానే మిగిలిపోయారు

కానీ ప్రజల గుండెల్లో మాత్రం కాదు

ఇది చరిత్ర కాదనలేని సత్యం..!!!

- న💚దు

Friday, November 15, 2019 -

Nandu Writings, కవితలు, జీవితం, తెలుగు కవితలు, నందు, నిజాలు, ప్రత్యేకం, ఫీలింగ్స్, బాధ

0 comments

బ్రతికున్నప్పుడు లేని బంధాలు

బ్రతికున్నప్పుడు ఒకరి మొహం

ఒకరు చూసుకోలేనంతగా బ్రతికి ,

పలకరిస్తే మొహం తిప్పుకుని తిరిగి,

చచ్చాక మాత్రం చివరి చూపులకి

ఆరాటపడటం ఎందుకు ??

తన ఆత్మ శాంతించదనా ?

లేక నీ అంతరాత్మ సంతృప్తి చెందదనా ??

బ్రతికున్నప్పుడు లేని బంధాలు

చచ్చాక మాత్రం ఎందుకు ??

- న☹️దు

Thursday, July 25, 2019 -

కవితలు, జీవితం, తెలుగు కవితలు, నందు, ప్రత్యేకం, ఫీలింగ్స్, బాధ, సత్యాలు

0 comments

జ్ఞాపకాల విలువెంత ?

జ్ఞాపకాల విలువెంత ??

ఒక తరం మర్చిపోలేనంత..!

ఇంకో తరం గుర్తుపెట్టుకునేటంత..!!

ముందు తరానికి గుర్తు చేసేటంత..!!!

-నందు

Monday, June 03, 2019 -

కవితలు, జీవితం, తెలుగు కవితలు, నందు, నిజాలు, ప్రత్యేకం, ప్రేమ, ఫీలింగ్స్, బాధ

1 comments

గతం తాలూకు జ్ఞాపకాలు...!!!!

ఎన్నేళ్ళయిందో మనిద్దరం కలిసి

కానీ నిన్ననే చూసినట్లుంది

ఎం మాట్లాడామో గుర్తురావట్లేదు

కానీ ఇందాకే పలకరించినట్లుంది

నీ సాంగత్యం కోసం ఎదురు చుసిన బస్టాండ్లు,

కాలేజీలోని జ్ఞాపకాలింకా

కళ్ళ ముందు కదులుతూనే ఉన్నాయ్..

నీతో మాట్లాడుకుంటూ మీ వీధి చివరకొచ్చి,

వాటిని తల్చుకుంటూ నాలోనేను నవ్వుకుంటూ,

వెనక్కి వచ్చిన క్షణాలు వెక్కిరిస్తూనే ఉన్నాయ్..

అన్నేళ్ల మన పరిచయంలో

ఎన్ని పోట్లాటలొచ్చినా

మన ప్రేమ ముందు ఓడిపోతూనే

మనల్ని గెలిపించాయి..

ప్రేమ కన్నా పరువే ముఖ్యమని

మీ ఇంట్లో వాళ్ళు నన్ను మర్చిపొమ్మని

నిన్ను బాధపెట్టినప్పుడు

నువ్వు పడిన నరకయాతన నేనూహించగలను...

ఎలాగైనా మర్చిపోవాలని వాళ్ళన్నపుడు,

ఎలా మర్చిపోవాలని నువ్వు నాకు దూరమైనప్పుడు

నాతో బంధాన్ని తెంచుకుని నువ్వా బందీకానలో

మగ్గి నన్ను పూర్తిగా మర్చిపోయినపుడు,

మర్చిపోలేనంతగా ఏకమైన మన మనసుల

జ్ఞాపకాల తాలూకు గాయాలు వెంటాడుతున్నా,

నీతో మాట్లాడిన చివరి క్షణమే

చివరదని ఊహించని నా పిచ్చిమనసు

నిన్నింకా మర్చిపోకుండా ప్రేమిస్తూ

నీ జ్ఞాపకాల్లో బ్రతికేస్తుంది

నువ్వు లేని ఇన్నేళ్ల నా జీవితంలో

నేనెంత సంతోషంగా ఉన్నా

ఆ ఆనందాన్ని నీతో పంచుకోలేక

నరకం అనుభవిస్తున్నా ప్రియా...!!!

ఇట్లు

ఎప్పటికి నిన్ను ప్రేమించే నీ కార్తిక్

-నందు

పి. యస్ : ఇది నేను రాస్తున్న నవలలోని ఒక లేఖ
Date :11-01-18