Showing posts with label తెలుగు కవితలు. Show all posts
Showing posts with label తెలుగు కవితలు. Show all posts

నేటి బంధాలు


 

విలువలు - ఉలవలు


మనం బాగున్నప్పుడు లెక్కలు మాట్లాడి
ఇబ్బందుల్లో ఉన్నప్పుడు  విలువలు,
 ఉల్వలు  అంటూ మాట్లాడకూడదు
మనిషికి ఇచ్చే విలువ 
ఎప్పుడు ఒకేలా ఉండాలి
స్థాయిని బట్టి,
 డబ్బుని బట్టి మారకూడదు
-💚దు

మనం అనర్హులం

మనం పుట్టినప్పటి నుండి 
తను చనిపోయే వరకు 
మన గురించే ఆలోచించే 
మన అమ్మ గురించి 
ఎన్నడూ సరిగ్గా పట్టించుకోని మనం, 
మాతృదినోత్సవం జరుపుకోవటానికే కాదు 

మాట్లాడుకోవటానికిి కూడా అనర్హులం..!!!
-నందు
#HappyMothersDay
#MothersDay
#TheOtherSide

ఉండి లేనట్లు


జీవితంలో అందరు ఉన్నప్పుడు, 
అన్ని ఉన్నపుడు బాగానే ఉంటుంది 
ఎవ్వరు లేనప్పుడు ,
ఏమి లేనప్పుడు కూడా బాగానే ఉంటుంది 
కానీ ఎప్పుడైతే 
అందరు ఉండి ఉండనట్లు, 
అన్నిఉండి, లేనట్లు ఉంటుందో 
దాన్ని మించిన నరకం ఇంకోటి ఉండదు...!! 
-నందు.  
08-03-2020  

శెలవు మిత్రమా !

నిజమే ! 
తెలిసే బంధమనే ఆ చట్రంలో ఇరుక్కున్నావు, 
ఇప్పుడు అనుభవిస్తున్నావు, 
తప్పదు బయటికి రావాలి 
కాదు కాదు దూరంగా రావాలి
ఎదుటివాళ్ళు  
నువ్వు, నీ అస్థిత్వంలేని 
ప్రశాంత వాతావరణాన్ని 
కోరుకుంటున్నపుడు 
నువ్వు మౌనంగా వెళ్లిపోవటమే ఉత్తమం. 
అక్కడా తప్పు నీదా,
వేరే వాళ్ళదా లేక 
ఎవరి వల్ల  తప్పు జరుగుతుందనే 
విషయాలిప్పుడు అనవసరం... 
నువ్వే ఒక సమస్య అయినపుడు 
సమాధానం కూడా నువ్వే చెప్పాలి 
ఆ సమ్యసనీ తీర్చనప్పుడు 
కనీసం అసమస్యకీ 
దూరంగా అయినా ఉండాలి  
ఇంకెన్నాళ్లు ఇలానే ?
కొత్తగా ఏమి నేర్చుకుంటున్నట్లు ?
ప్రతి సారి ఇదే తప్పు, ఇదే గుణపాఠం !!
తప్పు చేయటం అలవాటయ్యిందా లేక ?
 గుణపాఠాన్ని నీ జీవితం అలవాటు పడిందా ??
నువ్వు చెయ్యాలనుకున్నదొకటి, 
అక్కడ జరిగేదింకొటి,
పరిస్థితులు పగబట్టినట్లు ప్రవర్తిస్తే 
నువ్వెప్పటికీ నిన్ను నిరూపించుకోలేవు 
నిన్ను నువ్వు నిరూపించుకోవాల్సిన 
అవసరమే లేదక్కడ 
అర్థంచేసుకునే పరిస్థితులు లేనప్పుడు,
రావని తెలిసినప్పుడు  
అక్కడ ఉండటమే అనవసరం...!! 
నీ కోపాన్ని ఆవేశాన్ని,అన్నింటిని 
మౌనంగా మడిచి 
జేబులో పెట్టుకుని వెళ్ళిపో  
చాలిక వెళ్ళు  !! 
శెలవు మిత్రమా !
-నందు. 
08-03-2020  

ప్రయాణం - బంధం 


ఒక బంధాన్ని గాని,
ప్రయాణాన్ని గాని
ఇద్దరు మొదలుపెట్టినప్పుడు,
ప్రయాణంలో ఉండాలా వద్ద అనేది 
ఇద్దరు కలిసి ఒక అభిప్రాయానికి రావాలి 
అప్పుడే ప్రయాణమైనా
బంధమైనా సాఫీగా ఉంటుంది 
లేదంటే దారి  లేని ఎడారిలోనో 
గోదారిలోనో కలిసిపోతుంది 
-💚దు 
08-03-2020





కొన్ని జ్ఞాపకాలంతే

కొన్ని జ్ఞాపకాలంతే
గుర్తొచ్చినప్పుడల్లా 
బాధ కలిగిస్తాయి

కొన్ని జ్ఞాపకాలంతే
జీవితాంతం 
గుర్తుంటాయి

-💚దు

దాచుకోలేనంత ప్రేమ- తట్టుకోలేనంత నొప్పి


దాచుకోలేనంత 
ప్రేమని ఇచ్చి చూడు 
తట్టుకోలేనంత నొప్పిని 
తిరిగిస్తుందీ ప్రేమ..! 
చెప్పలేనంత 
ఇష్ఠాన్ని చూపించు 
ఓర్చుకోలేనంత బాధని 
ఒదిలేసి వెళ్తుందీ ప్రేమ..!! 
-దు
08-03-2020

ప్రేమంటే ఇంతే

రోజంతా తను మనతో ఉన్నా 
పది నిముషాలు  కనపడకపోతే 
కంగారు పడతాం చూడు 
అదే  ప్రేమంటే...!!!

పది గంటల నుండి 
తనతో  కనీసం పది  నిముషాలైనా 
మాట్లాడటం కోసం 
ఎదురు చూస్తావు  చూడు 
అది కూడా ప్రేమే...!!!!
-💚దు

#ValentinesDay2018

నాన్న


నాన్న 

మన బాల్యం నాన్న 
మన చిన్నపాటి మొదటి హీరో నాన్నే 
నాన్నంటే భయం ,కాదు కాదు 
అంతకు మించిన గౌరవం కూడా 
మన చదువు నాన్న సమాన మార్కులు  నాన్న 
మన పరువు నాన్న  
మన సంతోషం అమ్మ కావొచ్చు 
కానీ మన దిగులు మాత్రం మళ్ళి నాన్నే

చిన్నతనంలో 
బుడి బుడి అడుగులు వేయటం నుండి 
మనం తప్పటడుగులు వేయకుండా 
మనల్ని వెంటాడుతున్న నీడ నాన్న!!
నాన్నంటే నమ్మకం 
నన్నుంటే  దైర్యం 
ఏదైనా అయితే చూసుకోవటానికి 
నాన్నున్నాడులే  అనుకునేంత పొగరు కూడా నాన్నే .   

నువ్వెలా చదువుతావో పదిమందిలో 
సంతోషాన్ని పంచుకునేది అమ్మ 
కానీ నువ్వెలా చదవాలో ఎలా ఎదగాలో  
ఎలా నిలవాలో పది మందిని పరిశీలించి,
నీకు మంచిని చెప్పేది మాత్రం నాన్నే
బాగా ఉండటం నుండి త్వరగా బాగుపడి 
ప్రయోజకులం అవ్వాలని ఆశించేది నాన్న 

తాను కన్న కళలు కళ్ళతోనే దాచుకుని 
పిల్లల కలల్ని కళ్ళముందు చూసుకుంటూ 
వారి బాగుగోసం నిరంతరం కష్టపడే శ్రమజీవి నాన్న 
కష్టాలు బాధలు వచ్చినప్పుడు 
ఎవ్వరు ఉన్న లేకున్నా  
మన వెనకాలే ఉండి 
మనల్ని ముందుకి నడిపించేది మన 'అమ్మానానే'

మ్మ ప్రేమను ఆస్వాదిస్తే అర్థమవుతుంది నాన్న 
ప్రేమను 'నాన్న' అనే బాధ్యతను మొస్తే తెలుస్తుంది

-💚దు
21.02.16

రాజంటే??

రాజంటే యుద్దాలు చేయటం
గెలవడమే కాదు
గెలిచిన రాజ్యంప్రజల కోసం 
నిలబడగలగాలి కూడా..!!
చరిత్రలో ఎంతో మంది రాజులున్నారు,
ఎంత గొప్ప రాజైనా 
గర్వం తలకెక్కిన ప్రతిసారి
స్మశాన్నాళ్లో జ్ఞాపకాలుగానే మిగిలిపోయారు
కానీ ప్రజల గుండెల్లో మాత్రం కాదు
ఇది చరిత్ర కాదనలేని సత్యం..!!!
💚దు

జ్ఞాపకాలతో బ్రతికేస్తాం

బతికునప్పుడు మాటల్తో చంపుకుంటాం
చచ్చాక జ్ఞాపకాలతో బ్రతికేస్తాం
-న💚దు

ప్రజల కోసం నిలబడే వాడే రాజు ..!!


మన రాజ్యం మనకి కావాలని 
అందరం కలిసి కొట్లాడినం
మన రాజు మనకుండాలని 
మనొడినే రాజుని చేసినం
రాజ్య పాలన పక్కగా 
ఉంటదని సంబురపడ్డం 
మన రాజ్యం మనకొచ్చింది
మన రాజే మనల్ని ఏలుతుండు
పరిపాలనేమో పక్క దారి పట్టింది....

రాజ్యపాలన కాస్త రాజకీయ పాలన అయ్యింది
ఆనాడు ప్రాణాలకి తెగించి కొట్లాడిన 
ఎంతో మంది వీరులు నేడు
నీడ కూడా లేకుండా పోయారు
రాజేమో దర్బార్లోచి బయటికి రాడు.!
సేనాధిపతి, మంత్రులేమో 
చిడతలు వాహించటం మానరు.!!
బంధువులకు, రాబందులకు దోచిపెట్టటానికా 
రాజ్యం కోసం యుద్దాలు, ప్రాణ త్యాగాలు చేసింది ??

రాజంటే యుద్దాలు చేయటం, గెలవడమే కాదు
గెలిచిన రాజ్యం, ప్రజల కోసం నిలబడగలగాలి కూడా..!!
చరిత్రలో ఎంతో మంది రాజులున్నారు,
ఎంత గొప్ప రాజైనా గర్వం తలకెక్కిన ప్రతిసారి
స్మశాన్నాళ్లో జ్ఞాపకాలుగానే మిగిలిపోయారు
 కానీ ప్రజల గుండెల్లో మాత్రం కాదు
ఇది చరిత్ర కాదనలేని సత్యం..!!!
- 💚దు