Showing posts with label కథలు. Show all posts
Showing posts with label కథలు. Show all posts

శెలవు మిత్రమా !

నిజమే ! 
తెలిసే బంధమనే ఆ చట్రంలో ఇరుక్కున్నావు, 
ఇప్పుడు అనుభవిస్తున్నావు, 
తప్పదు బయటికి రావాలి 
కాదు కాదు దూరంగా రావాలి
ఎదుటివాళ్ళు  
నువ్వు, నీ అస్థిత్వంలేని 
ప్రశాంత వాతావరణాన్ని 
కోరుకుంటున్నపుడు 
నువ్వు మౌనంగా వెళ్లిపోవటమే ఉత్తమం. 
అక్కడా తప్పు నీదా,
వేరే వాళ్ళదా లేక 
ఎవరి వల్ల  తప్పు జరుగుతుందనే 
విషయాలిప్పుడు అనవసరం... 
నువ్వే ఒక సమస్య అయినపుడు 
సమాధానం కూడా నువ్వే చెప్పాలి 
ఆ సమ్యసనీ తీర్చనప్పుడు 
కనీసం అసమస్యకీ 
దూరంగా అయినా ఉండాలి  
ఇంకెన్నాళ్లు ఇలానే ?
కొత్తగా ఏమి నేర్చుకుంటున్నట్లు ?
ప్రతి సారి ఇదే తప్పు, ఇదే గుణపాఠం !!
తప్పు చేయటం అలవాటయ్యిందా లేక ?
 గుణపాఠాన్ని నీ జీవితం అలవాటు పడిందా ??
నువ్వు చెయ్యాలనుకున్నదొకటి, 
అక్కడ జరిగేదింకొటి,
పరిస్థితులు పగబట్టినట్లు ప్రవర్తిస్తే 
నువ్వెప్పటికీ నిన్ను నిరూపించుకోలేవు 
నిన్ను నువ్వు నిరూపించుకోవాల్సిన 
అవసరమే లేదక్కడ 
అర్థంచేసుకునే పరిస్థితులు లేనప్పుడు,
రావని తెలిసినప్పుడు  
అక్కడ ఉండటమే అనవసరం...!! 
నీ కోపాన్ని ఆవేశాన్ని,అన్నింటిని 
మౌనంగా మడిచి 
జేబులో పెట్టుకుని వెళ్ళిపో  
చాలిక వెళ్ళు  !! 
శెలవు మిత్రమా !
-నందు. 
08-03-2020  

లోకం పోకడ !

బతికున్నప్పుడు మాటలతో చంపుకుని,
చచ్చాక జ్ఞాపకాలతో బ్రతికేస్తున్నాం
ఇదే నేటి లోకం పోకడ !

మనిషికి ఆర్ధిక ఇబ్బందులున్నా
తట్టుకోవచ్చు కానీ,
మానసిక ఇబ్బందులను 
తట్టుకుని నెగ్గుకురావడం చాలా కష్టం... !!

-💚దు



కడలికో ప్రేమలేఖ

ఇప్పుడంటే స్మార్ట్ఫోన్లు,సెల్ఫీలంటూ ,
సోషల్ మీడియాకి అలవాటు పడ్డాం కానీ,
దాదాపు పదిపదిహేనేళ్ల క్రితం
సెల్ఫోన్ లేని ఇల్లుండేది,
ల్యాండ్ ఫోన్ లేనిఊరుండేది,
అసలు నెట్వర్క్ సౌకర్యమే లేని ప్రాంతాలుండేవి..!!
అలాంటి టైంలో  కావాలన్న ఉత్తరాలే అన్నీ ...

 పండగకో , న్యూ ఇయర్ కో ఉత్తరాలొస్తే పొంగిపోయేవాళ్ళం
ఇంకా మా స్కూల్ రోజుల్లో ప్రేమ లేఖలు ,
గ్రీటింగ్ కార్డుల కాలం బాగా నడిచేది
ప్రేమలేఖలు రాసిచదివి
పొంగిపోయిన రోజులున్నాయి
భయపడిన రోజులున్నాయి
ఇప్పుడవన్నీ గుర్తొస్తే నవ్వొస్తున్నాయ్
ఇప్పుడన్నీ ఇన్స్టాంట్ ప్రేమలు,
ఇంస్టాగాంలో ఫొటోలేగా ...

ఇలాంటి కాలంలో కూడా ప్రేమ లేఖలు రాయొచ్చని
రాస్తే ఇంత అందంగా ఉంటాయాని తెలియజేసిందీ 'కడలి '

ఎవరైనా ప్రేమ లేఖలు రాస్తారు,
కానీ కడలి మాత్రం ప్రేమకే లేఖలు రాసింది
అదే తాను రాసిన కథల సంపుటి
'లెటర్స్ టూ లవ్'.

పేరుకి తగ్గట్టే తనలో సముద్రమంత ప్రేముంది
ఆప్రేమంత  ఉత్తరాల్లో కనిపిస్తుంది
కానీ తన ప్రేమని చదవటానికిఅర్థం చేసుకోవటానికి
మనకి ఆకాశమంత మనసుండాలి మరి.
ఎంత సులువైన భాషనోఅంత సున్నితమైన భావాలు,
ఎన్నో అందమైన పదాలవేల భావాల అల్లికనే
 'లెటర్స్ టూ లవ్'.

తాత మీదున్న అమితమైన ప్రేమతో కడలి సత్యనారాయణగా
పేరు పెట్టుకుని తనలోని ప్రేమనిపెంచుకున్న ఆశలను,
పంచుకున్న ఊసులను ఎంతందంగా రాసిందో !
స్వతహాగా తాను పరిచయం లేనప్పటికీ
పుస్తకం విడుదల ప్రచారాల్లో కవర్ పేజీ చూసే
చదివేయాలని నిర్ణహించుకుని
బుక్ ఫెయిర్ కి వెళ్లి తనకి కలిసి,
పుస్తకం కొని చదివాక రాస్తున్న మాటలివి


ఎన్నో ముద్దు ముద్దు మాటలు,
చిట్టి చిట్టి పదాలుప్రేమలో ఉండే ఆశలు,
చిన్ని చిన్ని కోరికలు ,అలకలు,కోపాలు,గిల్లికజ్జాలు,
ముద్దు ముచ్చట్లువిరహ వేదనలుఎడబాట్లు,
ఊహల్లో విహారించడాలు జ్ఞాపకాల్లో బ్రతికేయడాలు
అబ్బో ఎన్నెన్నో భావాల మిళితమే  ప్రేమ లేఖలు.
తన వయసుకి సంబంధం లేకుండా
వివిధ వయసుల్లోని ప్రేమలను ఎంతందంగా రాసిందో కడలి !

పుస్తకం చదువుతుంటే తను రాసిన ఎన్నో
మాటల్నిమార్క్ చేద్దామనుకున్నా
కానీ  అందమైన పదాల అల్లికను
నా పిచ్చి గీతాలతో నింపటం ఇష్టం లేక
వాటినలానే చదివేస్తూ మధ్య మధ్యలో
జ్ఞాపకాల్లోకి వెళ్ళిపోతూమళ్ళి బయటికి వచ్చి చదివేసాను

ఇదేగా ప్రేమంటే ?
ఎవరో మాటలకి మనం పొంగిపోతాం
ఎవరి జ్ఞాపకాల్లోనో మనం కూడా కలిసిపోతాం
ఎవరో రాసిన బాధలకి కూడా మనం బాధపడతాం
పుస్తకం చదువుతున్నంత సేపు
అరే మనకి ఇలానే జరిగిందే
మనము ఇలానే అన్నామే,
మనము ఇలానే చేశామే అనే భావాలు కలగకపోవు
ప్రేమలో ఉన్నవాళ్లు పొంగిపోతారు,
ప్రేమలో పడని వాళ్ళు ఆశ్చర్యపోతారు,
ఫెయిల్ అయినా వాళ్ళు మాత్రం వెక్కి వెక్కి ఏడుస్తారు.
కొన్ని ప్రేమలు సఫలం అవ్వొచ్చు,
మరిన్ని విఫలం అవ్వొచ్చు,
ఎందుకంటే  ప్రేమలో గెలిచినాఓడినా
జ్ఞాపకాలే శాశ్వతంగా ఉండేది మనం కాదు,

నేనోసారి రాసినట్లు గుర్తు 
' జ్ఞాపకాలు మంచివైనా చెడ్డవైనా
కొన్నింటిని మోయక తప్పదు,
కొన్నింటిని వదిలేయక తప్పదు
ఇంకొన్నింటితో కలిసి బ్రతకతప్పదు.'
ఇలాంటి ఎన్నో అందమైన
ఊహల జ్ఞాపకాల సమ్మేళనమే

 'లెటర్స్ టూ లవ్'

పదేళ్ల క్రితం 'ప్రేమలో -మనంఅనే శీర్షికన గీతిక.బి గారు
రాసిన ప్రేమ కవితల్ని చదివాక మళ్ళి
అంతే సహజంగా అనిపించాయి  'ప్రేమ కథలు'
మీకూ కుదిరితే చదవండి కుదిరించుకునైనా చదవండి(Link)
-💚దు
    



దూరంగా - దగ్గరగా

నువ్వు దూరంగా ఉన్నప్పుడు  
నీ విలువ తెలిసిరాకపోతే 
నువ్వు దగ్గరగా ఉన్నా కూడా 
ఏమి ప్రయోజనం ఉండదు..!
-న💚దు

గుణాత్మక మార్పు


గీ హైదరాబాద్ రోడ్ల కింద లంకే బిందెలు ఉన్నావా ఏందీ  ?
లేక బంగారు తెలంగాణ జేయనీకే బంగారం కోసం తొవ్వుతున్నారా ఊకె ??

వారం కిందనే సంతోష్ నగర్ నుండి సైదాబాద్, చంచల్ గూడ జైలు వరకు
మంచిగా  రోడ్డు ఏశిన్రు అనుకుంటుంటే 
మళ్ల తెల్లారే  తొవ్వుడు షురూ జేశిన్రు...

గీ ఏసుడు మల్ల తొవ్వుడు,మల్లేసుడు మల్ల తొవ్వుడు  ఏందీ ఈ పంచాతి ?
సారు ముందే అన్ని తవ్వకాలయిపోయినాక ఎస్తే కాద ?
లేక  కాంట్రాక్టర్లకు ఉపాధి హామీ పని దొరకదు  అనుకున్నరా ఏందీ ?

రెండు ప్రభుత్వ శాఖల మధ్యనే సమన్వయం లేదు,
రెండు మూడు రాష్త్రాల మధ్య సమన్వయం ఎట్లొస్తది ?

దేశంల గుణాత్మక మార్పు యాడొస్తది ??

-నందు 

బాధ కూడా బాగానే ఉంటుంది



మనం ప్రేమించిన వ్యక్తి మనకి దూరం అయినపుడో/ మోసం చేసినపుడో భరించలేనంత బాధ.
పరీక్షల్లో పాస్ అవ్వలేదనో, ఫస్టు ర్యాంకు రాలేదనో బాధ.
వెళ్లిన ప్రతిసారి ఉద్యోగం దక్కకపోతే,
చచ్చిపోవాలి అనిపించేంత బాధ.
నమ్మిన వాళ్లు మోసం చేసినపుడు,
అయినవాళ్ళందరూ దూరమైనపుడు,
బ్రతకకూడదు అనిపించేంత బాధ.
ఎంతో ప్రేమతో పెంచుకున్న మొక్కో, కుక్కో,
ఇష్టపడి కొనుక్కున్న వస్తువు పోతేనో, పాడైపోతేనో బాధ.
అమ్మ తిట్టిందనో, నాన్న కొట్టాడనో బాధ...
నిజమే
ప్రతి మనిషి జీవితంలో బాధలుంటాయి
చాలా మందిమి బాధ దగ్గరే ఆగిపోతున్నాం.
అందుకే వ్యక్తి మీద కక్ష కట్టెస్తున్నాం,
జీవితం మీద విరక్తి చెందుతున్నాం, 
అందుకే చిన్న చిన్న వాటికి
అసలీ బ్రతుకే వద్దనుకుంటున్నాం..

కాని ఎర్రటి ఎండాకాలం తర్వాత వర్షాకాలం వచ్చి మనుషుల్ని(మనసుల్ని) స్పృశింప చేసినట్లు
శిశిర ఋతువు వచ్చి చెట్ల ఆకుల్ని రాల్చితే,
ఆ వెంటనే వచ్చే వసంత ఋతువు అవే చెట్లను మళ్ళి చిగురింపజేసినట్లు...

మనిషి జీవితంలో కూడా బాధ తర్వాత ఆనందం ఉంటుంది.
కాని ఆ ఆనందాన్ని పొందటానికి బాధల్ని అధిగమించలేకపోతున్నాం.
మనలో ఆ బాధని అధిగమించే శక్తి ఉంటే
అవును నిజంగా బాధ కూడా హాయిగానే ఉంటుంది

-నందు
© #anandgoudpedduri

తపస్సు చేసినా జరగదు

జీవితంలో నీకేదైనా జరగాలని 
బలంగా రాసిపెట్టి ఉంటె తప్పైనా ఒప్పైనా 
అది తప్పకా జరుగుతుంది..!

జరిగేది జరగక మానదు
తప్పకా జరిగేదైనప్పుడు
దాని నుండి తప్పించుకోలేవు
ఒకవేళ జరగకూడనిదైతే 
తలక్రిందుల తపస్సు చేసినా ఎన్నటికి జరగదు..!!

-నందు


సమాధానం లేని ప్రశ్న

అన్ని ప్రశ్నలకి మనమే సమాధానం చెప్పలేం, తెలుసుకోలేం..  
కొన్నింటికి కాలం, మరికొన్నింటికి మౌనం,
మాటలతో చెప్పలేని వాటికి మనసు   
ఇంకోన్నింటికి నీ జీవితం... 
ఇలా ఏదో ఒక విధంగా సమాధానం దొరుకుతూనే ఉంటుంది..  
అసలు సమాధానం లేని ప్రశ్నే లేదు ఈ  విశ్వంలో...!!! 
సమాధానం దొరకలేదంటే, 
నీకు సమయం సరిపోకపోయి ఉండాలి లేదా 
దాని మీద నీకు ఆసక్తి లేకుండా ఉండి ఉండాలి 
ఈ రెండు కాదంటే అదసలు ప్రశ్నే కాకపోయి ఉండాలి 
                                   -నందు 


మనుషుల్ని, విలువల్ని సంపాదించటం కూడా...!!!



సంపాదించటం అంటే కేవలం డబ్బునే కాదు

మనుషుల్ని, విలువల్ని సంపాదించటం కూడా...!!!

కష్టాల్లో ఉన్నప్పుడు మనల్ని గట్టెక్కించే వారిని సంపాదించటం, 

ఆపదలో ఆదుకునే వారిని సంపాదించటం,

బాధల్లో ఉన్నప్పుడు దైర్యాన్ని నింపే వారిని,

మన కోపాల్ని అర్థం చేసుకునే వారిని సంపాదించటం....!!!

ఇవన్ని సంపాదించుకోలేని వాడు కష్టపడి కోట్లు కూడబెట్టినా  

అవి కొన్ని సార్లు దేనికి పనికి రావు... 

-నందు
Thursday, December 01, 2011 - , 23 comments

నా ప్రేమ కథ ...




                       అది సికింద్రాబాద్ రైల్వే స్టేషన్, ఆ రోజు సెప్టెంబర్ 9  నేను ఆఫీసు పని మీద ముంభై వెళ్తున్నాను నేనెప్పుడు రైలు ప్రయాణం చేసినా  నాకు  ఏదో సందర్భం గుర్తుంటుంది కాని ఈ  ప్రయాణం మాత్రం నా జీవితంలో తీపి జ్ఞాపకంగా మిగిలి పోతుందనుకోలేదు, అంతగా ప్రభావితం  చేసినా ఆ సంఘటనను మర్చిపోలేను కూడా....
                             
                               ఎప్పటి లాగానే స్టేషన్ అంత రద్ధిగానే ఉంది, ట్రైన్  కోసం ఎదురు చూస్తున్న నాకు సమయం గడవటం భారంగా అనిపిచింది. అలా  ట్రైన్ కోసం ఎదురు చూసి విసుగు పుట్టి అలా అలా  పచార్లు చేస్తున్న సమయం లో నాకెదురుగా  ఉన్న ఫ్లాట్ఫారం పై కన్పించింది  తను, అంతే తనని చూడగానే ఒక్క సరిగా స్పృహ కోల్పోయినట్లనిపించింది..అప్పటి వరకు రద్దిగా కన్పించిన రైల్వే స్టేషన్  కాస్త తనని చూడగానే నిర్మానుష్యంగా మారిపోయింది...తను తప్ప ఇంకేమి కనిపించలేదు నాకు,
అల్లంత దూరంలో  అటు వైపు తను, తనని చూస్తూ నేను, కళ్ళు మూస్తే ఎక్కడ మిస్ ఆవుతుందొనని  కళ్ళార్పకుండా అలాగే చూస్తున్నాను, అలా ఎంత సేపు చూస్తున్నానో తెలియదు, ఉన్నట్లుండి తనలో  ఏదో కదలిక అది కూడా నా వైపే...
                                
                                      అప్పుడు మొదల్లైంది నాలో అలజడి....! తను నన్ను సమీపిస్తున్న కొద్ది గుండె తీవ్రత పెరిగి పోతుంది, గుండె కవాటాలు పేలిపోతాయేమోనన్నంత  భారంగా మారింది. సాధారణంగా గుండె నిముషానికి 72 సార్లు కొట్టుకోవటం విన్నాను కాని తొలిసారి 720 సార్లు   కొట్టుకోవటం నా చెవులారా  విన్నాను, తను నన్ను చూస్తూ దాటుకుంటూ వెళ్లిపోయింది చూపులతో మాయే చేసిందో లేక మంత్రమే వేసిందో తెలీదు  కాని అదేదో సినిమాల్లోలాగా నాలోని మరో నేను తన వెంటే తన నీడ లాగ వెళ్తుంది... తను నా నుండి వెళ్తోంది  దూరంగా, అలాగే నాలోని మరో నేను తన  వెంటే పరుగు తీస్తుంది  భారంగా....

                               నేను మాత్రం అక్కడే నిర్జీవంగా నిస్సత్తువతో  నిల్చుని తను వెళ్ళిన దారినే చూస్తుండిపోయాను, ఆ "మాయా " లోకం నుండి రావటానికి చాలా  సమయం పట్టింది,అంత లోపు నా ట్రైను కూడా నన్ను ఒంటరిని చేసి వెళ్లి పోయింది... ఎలాగోలా కష్టపడి ముంబై  చేరుకున్నాను, కాని  ధ్యాసంతా తన పైనే, మనసు మనసులో లేదు, అక్కడి నుండి  వచ్చాక కూడా అంతే ఎ మాత్రం మార్పు  లేదు..అంత కొత్తగా  వింతగా  విచిత్రంగా కన్పిస్తున్న్నాయి , పెన్ను పట్టి పదాలు సరిగా రాయలేని నేను తొలిసారి తన బొమ్మ గీసాను అచ్చం తన లాగే మల్లి గీసాను, మల్లి గీసాను, గీసిన ప్రతి సారి తన అందమైన చిరునవ్వే  ఉట్టి పడుతుంది.రోజులు గడుస్తున్నాయి కాని తను మాత్రం  మళ్ళి కన్పించలేదు, కన్పిస్తున్నదల్లా  తన ముఖం  నా మనసులో జ్ఞాపకాలు నా గుండెల్లో... తనని  చూసింది కొద్ది క్షణాలే కాని ప్రతి క్షణం తను నా కళ్ళ ముందు కదలాడుతూనే ఉంది   తనతో సాన్నిహిత్యం కోసం నా మనసు పరితపిస్తూ  పరిబ్రమించిపోతోంది.


 ప్రేమలో పడితే ఇంతేనేమో....!  

                           అనుకోకుండానో యాదృచ్చికంగానో తెలీదు కాని సరిగ్గా రెండు సంవత్సరాల తరువాత  నా జీవితం లో గొప్ప మలుపు. ఆ రోజు నేను బలవంతంగా అ ఇష్టంగా నేనొక చోటికి వెళ్ళాను, నేనారోజు ఆ చోటికి వేళ్ళకుండా ఉండి ఉంటే మళ్ళి నేను తనని చూసే వాడిని కాదేమో, అలాగే  మళ్ళి  నాలోని మరో  నేనును నాలో మిళితం చేసుకునే వాడిని కాదేమో...
నిజంగా నేనక్కడికి వెళ్ళకుండా ఉండి ఉంటే నా జీవితాన్నే కోల్పోయేవాడ్నేమో....! 
అటువంటి మరపురాని, మరచిపోలేని  మలుపది. సర్వం కోల్పోయినా సునామి భాదితుడిలా బ్రతుకుతున్న నాకు ఎడారిలో ఒయాసిస్సులా మళ్ళి తను కన్పించింది... 


అవును  నేను మళ్లీ తనని చూసాను అది కూడా నాకు అతి దగ్గరగా అందంగా ముస్తాబై  కూర్చొని  ఉన్న పెళ్లి కూతురి స్థానంలో...,
 నా పెళ్లి చూపుల్లో......


                                                      -నందు