గెలిచే వరకు కాదు..!!


ప్రేమంటే నువ్వు పక్కన లేకపోవటం కాదు


బాగుండటం అంటే..!!


పుస్తకాలు -అనుభవాలు !!






తన ధ్యాసలో పడటం కూడా ప్రేమే


                 ప్రేమంటే గంటలు గంటలు ఫోన్లో మాట్లాడుకోవటాలు,                               కాఫీ షాపుల్లో కాలక్షేపాలు చేయటమే కాదు
                నీ ధ్యాస మరచి తన ధ్యాసలో పడటం కూడా ప్రేమే..!!
                                      -నందు


విలువ తెలియని వాళ్ళకోసం !!




నీ జ్ఞాపకాలు

నీ జ్ఞాపకాలు కూడా ఈ అలల్లాగే
ఒకచోట కుదురుగా ఉండవు,
మనసుని కుదుటపడనీయవు..!!
నందు 

సముద్రమంత ప్రేముంటే సరిపోదు

నీలో సముద్రమంత ప్రేముంటే సరిపోదు...
ఆ ప్రేమని అర్థం చేసుకోవటానికి 
అవతలి వాళ్ళకి 
ఆకాశమంతా మనసుండాలి..!!

-నందు

సముద్రమంత ప్రేమ

అమ్మానాన్నలతో-మనం


రోజు మనతోనే ఉండే మన అమ్మానాన్నలతో  
కాసేపు సరదాగా మాట్లాడటానికి సమయం ఉండదు మనకి,
కాని మదర్స్ డే, ఫాదర్స్ డే లకి మాత్రం పేస్బుక్లో పోస్ట్లు, 
వాట్సాప్లో స్టేటస్లు పెట్టి వాళ్ళ మీద ప్రేమని చూపిస్తూ మురుసిపోతుంటావ్....!

నిన్నెక్కడో ఎక్కడో  ఊరికి దూరంగా పట్నంలో
 పైచదువులకి పంపి, నిన్నో ప్రయోజకుడ్ని చేసాక
నువ్వేమో దారిలో పడతావు, 
వాళ్లు మాత్రం అక్కడే అదే ఊర్లో నిన్ను 
ప్రయోజకుడ్ని చేయటానికి చేసిన అప్పుల్ని తీర్చుతూ మగ్గుతుంటారు..!!

స్వతంత్ర జీవితానికి అలవాటు పడి, వాళ్ళతో మాట్లాడటానికి కూడా తీరిక ఉండదు నీకు,
అయిన వాళ్ళ మీద  ప్రేమున్నట్లు మిస్సింగ్ యు అని మాత్రం పోస్ట్లు పెడతావ్....!!!

నీకో వయసొచ్చాక, ఆ వయసుకి ఒక తోడయ్యాక అమ్మానాన్నలు అస్సలు గుర్తురారు
ఏ  అత్యవసరానికో లేక పండగకి రమ్మని పిలుపోస్తే ఎలా స్పందించాలో తెలియని స్థితిలో ఉండి పోతావ్

నీకు జన్మనిచ్చిన తల్లిదండ్రులకి శుభాకాంక్షలు చెప్పటం అంటే వాళ్ళకి
జీవితాంతం వాళ్ళకి సేవచేయటం
కాని స్వతంత్ర భావాలకి అలవాటు పడి, 
మనకెందుకులే అనుకుని బ్రతుకుతున్న మనలాంటి వాళ్ళకి ఇదెప్పుడు బోధపడదు.

-నందు
18-Jun-2017

ఈ హనుమ నల్లనివాడే (మా ఊరి దేవుడు )!!


అతి బలవంతుడూ, అమిత పరాక్రమశాలీ అయిన హనుమంతుడు భక్తులకు కొండంత అండ. ఇక నిండుకాషాయ వర్ణంలో ఉండే సిందూరాలంకరణ ఆ రూపపు ప్రత్యేకత. అయితే ఆ సిందూరపు అలంకరణ ప్రసక్తేలేని ఆలయమూ ఒకటుంది. నాగర్‌కర్నూల్‌ జిల్లా ఊర్కొండపేట ఆ హనుమ ఆలయానికి చిరునామా. 


శ్రీరామదూత హనుమంతుడు ప్రభుభక్తికి ప్రతిరూపం. అంతేకాదు, ఆయన్ను తలచుకుంటే చాలు శత్రుభయమేంటి, భూతప్రేత పిశాచాల భయమూ వదిలిపోతుందట. అందుకే చూడగానే ప్రత్యేకంగా కనిపించేలా సిందూరాలంకారంతో కనిపిస్తాడాయన. ఈ అలంకరణ వెనుక రామాయణంలోనూ ఓ కథ ఉంది. కానీ నాగర్‌కర్నూల్‌ జిల్లా ఊర్కొండ మండలంలోని ర్కొండపేట గ్రామ శివారులోగల ఆలయంలోని అభయాంజనేయస్వామి అలంకారం అందుకు భిన్నంగా ఉంటుంది. ఆరడుగుల ఎత్తుతో చక్కటి నల్లరాతి విగ్రహంగా సిందూర రహితంగా దర్శనమిస్తాడు స్వామి. ఆ రూపం వెనుకా ఓ కథ ఉంది.

ఇదీ చరిత్ర... 



సుమారు 400 ఏళ్లక్రితం హైదరాబాద్‌ నగరం నిర్మాణ సమయంలో అప్పటి నైజాం నవాబులు కృష్ణా తీరంలోని భోజరాయపల్లి అనే గ్రామంలో నివసించే భోజరాయలు, సింగరాయలు, బ్రహ్మరాయలు అనే ముగ్గురు అన్నదమ్ములను పిలిపించి వారితో హైదరాబాద్‌ నగరంలోని పత్తర్‌ఘట్టి తదితర ప్రాంతాల్లో వివిధ భవనాలూ, రాజమందిరాలను నిర్మింపజేశారు. అవన్నీ అందంగా రావడంతో, వారి కళను మెచ్చి నైజాం నవాబులు 10 వేల ఎకరాల భూమిని కేటాయించారట. భోజరాయపల్లికి అతి సమీపంలో అమ్మపల్లి అనే గ్రామం ఉండేది. ఈ రెండు గ్రామాల ప్రజల మధ్య ఓ విషయమై గొడవ జరిగి రెండు వూళ్లనూ తగలబెట్టుకొన్నారట. ఈ సంఘటన తర్వాత భోజరాయపల్లి గ్రామంలో నివసించడం మంచిదికాదని భావించిన భోజరాయలు ఆ గ్రామాన్ని ఖాళీ చేయించి గ్రామ శివారులో నిజాములు ఇచ్చిన స్థలంలో గుట్టల మధ్య ఇప్ప చెట్లలో నూతన గ్రామాన్ని నిర్మించారు. దాన్నే ప్రస్తుతం గట్టుఇప్పలపల్లి గ్రామంగా పిలుస్తున్నారు. భోజరాయలు శివోపాసకుడు కావడంతో గట్టుఇప్పలపల్లి గ్రామంలో కాళికాదేవితో పాటు పంచలింగాలనూ, ఆంజనేయస్వామినీ ప్రతిష్ఠించాలని భావించారట. ఆంజనేయస్వామి విగ్రహానికి అవసరమయ్యే శిల కోసం వెతుకుతూ అక్కడికి దగ్గర్లోని వూర్కొండపేట గ్రామందాకా వచ్చారట. అక్కడి శివారులోని గుట్టపై శిలను గుర్తించి ప్రతిమను చెక్కించి తరలిస్తూ రాత్రి కావడంతో అదే వూర్లోని ఓ చెట్టుకింద భోజరాయలు నిద్రపోయారట. అప్పుడే స్వామి కలలో కనిపించి తనను ఇక్కడే ప్రతిష్ఠింపజేయాలనీ, విగ్రహానికి సిందూరాన్ని పూయవద్దనీ ఆదేశించారట. దీంతో భోజరాయలు అక్కడే ఆంజనేయస్వామిని ప్రతిష్ఠించి ఆలయాన్ని కట్టించారనేది ఆలయ చరిత్ర. ఆ ఆదేశంతోనే అప్పటి నుంచి విగ్రహాన్ని సిందూర లేపనం లేకుండా పూజిస్తుంటారని పూర్వీకులు చెబుతారు. ఇక్కడి ఆంజనేయస్వామికి రోజూ తిలతైలాభిషేకం నిర్వహించడం ఓ ప్రత్యేకత.


ఉత్సవం...

అభయాంజనేయుడికి శనివారం ప్రత్యేక పూజలు నిర్వహిస్తారు. దేవాలయ ప్రాంగణంలో ఆ రోజు సత్యనారాయణ వ్రతాలూ జరుగుతాయి. ప్రతి శనివారం కనీసం 5వేల మంది భక్తులు స్వామిని దర్శించుకుంటారు. ఆంజనేయ స్వామికి ఏటా పుష్య బహుళ ఏకాదశి నుంచి మాఘ శుద్ధ చవితి వరకూ బ్రహ్మోత్సవాలు నిర్వహిస్తారు. అందులో భాగంగా రథోత్సవంతో పాటూ శకటోత్సవం నిర్వహిస్తారు. అంటే, ఆ రోజు చుట్టుపక్కల వూళ్లరైతులంతా తమ ఎడ్లబండ్లని రంగుల కాగితాలతో ముస్తాబు చేసుకుని వాటి మీద వచ్చి గుడి చుట్టూ ప్రదక్షిణలు చేస్తారు. దేవాలయ ప్రాంగణంలో శివాలయమూ ఉంది. అక్కడ నలభై అడుగుల ఎత్తుతో నిర్మించిన శంకరుడి విగ్రహం ప్రత్యేక ఆకర్షణగా నిలుస్తుంది. ఆలయానికి ఏటా అరవై లక్షల రూపాయలదాకా ఆదాయం వస్తుంది.





బాధా విముక్తికి... 


అనారోగ్యంతో ఉన్నవాళ్లూ, సంతానం లేని వాళ్లూ, గ్రహదోషాలూ, మానసిక రుగ్మతలున్నవాళ్లూ, మానసిక ప్రశాంతత లోపించిన వాళ్లూ ఇక్కడి స్వామివారిని పూజిస్తే బాధా విముక్తులవుతారని భక్తుల నమ్మకం. ఏడాదంతా నీరుండే ఇక్కడి కోనేరులో 11, 21, 41 రోజుల పాటు స్నానమాచరించి ఆలయ ప్రదక్షిణలు చేస్తే అనుకున్నవి నెరవేరతాయట. అభయుడిని ప్రతిష్ఠించిన రోజు నుంచి ఇప్పటి వరకూ నిత్యం రాత్రివేళల్లో కనీసం 30 మంది భక్తులు ఆలయ ప్రాంగణంలో నిద్రిస్తుండటం ఈ నమ్మకానికి ప్రతీక. ఇక్కడ భక్తులు ఉండేందుకు సత్రాలూ, వసతి గృహాలూ అందుబాటులో ఉన్నాయి.


ఇలా వెళ్లొచ్చు... 

1.కల్వకుర్తి నుండి ఊరుకొండపేటకి దూరం 12 కిలోమీటర్లు, ఈ గ్రామానికి ప్రతిరోజు రాత్రి దేవాలయం వరకు వచ్చే ఆర్టిసి బస్సుతోపాటు చాలా ఆటోల సౌకర్యం కలదు, నేరుగా వచ్చే వాహనాలతో పాటు ఊర్కొండ మీదుగా వచ్చే వాహనాలో కూడా ఈ దేవాలయాన్ని చేరుకోవచ్చును.


2.మహబూబ్‌నగర్‌ కల్వకుర్తి ప్రధాన రహదారిలో ఊర్కొండ గ్రామ స్టేజీ నుంచి 3 కిలోమీటర్ల దూరంలో ఈ దేవాలయం ఉంది. ఊర్కొండకు మహబూబ్‌ నగర్‌ నుంచి అయితే 50 కి.మీ., నాగర్‌ కర్నూల్‌ నుంచి 44 కి.మీ దూరం ఉండగా, హైదరాబాద్‌ నుంచి 93 కిలోమీటర్లు ప్రయాణించి ఆలయాన్ని చేరుకోవచ్చు.





గతమెప్పుడు గమ్మత్తుగా



గతమెప్పుడు గమ్మత్తుగా ఉంటుంది 
నువ్ ప్రస్తుతాన్ని ఆస్వాదిస్తే....
అదే గతం ఇంకా బాధని కలిగిస్తుంది 
నువ్వింకా దాని గురించే ఆలోచిస్తుంటే...
-నందు.