యుద్ధం -ఆట


ఆటలో గాని 
యుద్దంలో గాని 
నువ్వు ఓడిపోయావంటే 
నువ్వు బలహీనుడవని కాదు
ఎదుటివాడు నీకంటే బలవంతుడని అర్థం
-నందు

బాధ కూడా బాగానే ఉంటుంది



మనం ప్రేమించిన వ్యక్తి మనకి దూరం అయినపుడో/ మోసం చేసినపుడో భరించలేనంత బాధ.
పరీక్షల్లో పాస్ అవ్వలేదనో, ఫస్టు ర్యాంకు రాలేదనో బాధ.
వెళ్లిన ప్రతిసారి ఉద్యోగం దక్కకపోతే,
చచ్చిపోవాలి అనిపించేంత బాధ.
నమ్మిన వాళ్లు మోసం చేసినపుడు,
అయినవాళ్ళందరూ దూరమైనపుడు,
బ్రతకకూడదు అనిపించేంత బాధ.
ఎంతో ప్రేమతో పెంచుకున్న మొక్కో, కుక్కో,
ఇష్టపడి కొనుక్కున్న వస్తువు పోతేనో, పాడైపోతేనో బాధ.
అమ్మ తిట్టిందనో, నాన్న కొట్టాడనో బాధ...
నిజమే
ప్రతి మనిషి జీవితంలో బాధలుంటాయి
చాలా మందిమి బాధ దగ్గరే ఆగిపోతున్నాం.
అందుకే వ్యక్తి మీద కక్ష కట్టెస్తున్నాం,
జీవితం మీద విరక్తి చెందుతున్నాం, 
అందుకే చిన్న చిన్న వాటికి
అసలీ బ్రతుకే వద్దనుకుంటున్నాం..

కాని ఎర్రటి ఎండాకాలం తర్వాత వర్షాకాలం వచ్చి మనుషుల్ని(మనసుల్ని) స్పృశింప చేసినట్లు
శిశిర ఋతువు వచ్చి చెట్ల ఆకుల్ని రాల్చితే,
ఆ వెంటనే వచ్చే వసంత ఋతువు అవే చెట్లను మళ్ళి చిగురింపజేసినట్లు...

మనిషి జీవితంలో కూడా బాధ తర్వాత ఆనందం ఉంటుంది.
కాని ఆ ఆనందాన్ని పొందటానికి బాధల్ని అధిగమించలేకపోతున్నాం.
మనలో ఆ బాధని అధిగమించే శక్తి ఉంటే
అవును నిజంగా బాధ కూడా హాయిగానే ఉంటుంది

-నందు

© #anandgoudpedduri

హైదరాబాద్లో రోడ్లు- హైద్రాబాద్లో వానలు...!!


ఎవరు చేసిన పాపమో, హైదరాబాద్లో ఉండే వారి అదృష్టమో తెలియదు గాని
కొన్ని సంవత్సరాలుగా సరిగా వర్షాలు లేవు పోయిన నెల దాక కూడా.
గత రెండు మూడు వర్షాలు గట్టిగా పడే సరికి
హైదరాబాద్లో రోడ్డు నాశనం కావటానికి వర్షమే కారణం అని
పెద్ద పెద్ద మాటలు మాట్లాడుతున్నారు పెద్దవాళ్ళం అని చెప్పుకునే మనుషులు
ఇంకెన్నాళ్ళు మీరు చేసే తప్పుల్ని వేరోకరిమీద తోయటం ?
గత కొన్నేళ్ళుగా రోడ్డు మరమత్తు అంటే గుంటలు ఉన్నచోట పైపైన డాంబర్(తారు) వేయటం.,
రోడ్డు వేయటం అంటే ఉన్న రోడ్డు మీద మళ్ళి ఇంకో పొరలాగా రోడ్డు వేయటం తప్పిస్తే
ఏ ఒక్కసారైనా ఉన్న పాత రోడ్డుని తవ్వేసి మళ్ళి కొత్తగా రోడ్డు వేయటం జరుగుతుందా ?
ఇది మా తప్పు కాదు గత ప్రభుత్వ వైఫల్యం వల్లే ఇలా జరిగింది అంటారు
సరే దాన్ని ఒప్పుకుందాం, మరి ఇప్పుడున్న మీ ప్రభుత్వం ఎం చేస్తోంది ??
మార్చిలో ఫెయిల్ అయితే సెప్టెంబర్ పరిక్షకి జాగ్రత్త తీసుకుంటాం
ఎలాంటి జాగ్రత్తలు తీసుకోకుండా పరీక్ష రాస్తే ప్రతిసారి ఫెయిల్ అవ్వటమే జరుగుతుంది..
ఇంకెన్ని సంవత్సరాలు సాకులతోనే సరిపెడతారు ?
మెట్రో రైలని, అదని, ఇదని.
మెట్రో రైలు పని జరిగని చాల చోట్ల ఇదే పరిస్థితి
వర్షం వస్తే రోడ్డు మీద ఉన్నది చిన్న గుంతనో, మ్యాన్ హోలో అని
జనాలు భయభయంగా అడుగేస్తున్నారు ?
వర్షం పడితే రోడ్డు మీద నీళ్ళు నిలుస్తున్నాయి
కరెక్టే కానీ నీళ్ళేందుకు నిలుస్తున్నాయి ?
దానికి గల కారణాలేవి,
సరిదిద్దే మార్గం ఏది అని ఏ ప్రభుత్వమైనా ఆలోచిస్తుందా ?
నాలాలను సరిదిద్ది, డ్రైనేజి వ్యవస్థని పునరుద్ధరణ చ్గేయాలి కదా ?
ఇది రాత్రికి రాత్రే జరిగే మార్పు కాదు
పోయిన సంవత్సరం వర్షాకాలం అయిపోయిన తరువాత
మరమత్తులు చేయటం మొదలు పెట్టిన కనీసం కొంచెమైనా తేడా ఉండేది..
చేతగాని గాని ప్రభుత్వం, చేతగాని వ్యవస్థ, ఇదేనా మీరంటున్న బంగారు తెలంగాణ ??
ఇది కాదు ప్రజలు కోరుకున్నది ,మార్పు..
మార్పంటే అయిదేళ్ళకోకసారి ప్రభుత్వాల మార్పు కాదు.
ప్రభుత్వ విధానాల్లో మార్పు, మీ ఆలోచనల్లో మార్పు.
పాలించే ప్రభువులారా ,
అందకారంలో ఉన్న అధికారులారా ?
మొద్దు నిద్రను వీడండి
మీరు అంటున్న బంగారు తెలంగాణలో రోడ్డ్లు బీటలు వారిపోయాయి.
కళ్ళు తెరిచి చూడండి.
ప్రశ్నించే వాడ్ని ప్రతిపక్షం అంటే నేనేమి చేయలేని
కాని సగటు హైదరాబాదీ ఆవేదన ఇది.
-నందు

యుద్ధం- ఉద్యమం

ఉద్యమం ఒక ఆశయ సాధన కోసం చేసేది.

యుద్ధం ఒకరిపై ఆధిపత్యం కోసం చేసేది.
అందుకే స్వాతంత్ర ఉద్యమం, తెలంగాణ ఉద్యమం అన్నారు 
కానీ తెలంగాణ యుద్ధం,స్వాతంత్ర యుద్ధం అనలేదు...


ఉగ్రవాదాన్ని తరిమి కొట్టాలనేది మా ఉద్యమం...
డియర్ పాకిస్తాన్,
                                నీవెటు వైపో తేల్చుకో..!
నీ భవితవ్యం నిర్ణహించుకో..!!
-నందు

తపస్సు చేసినా జరగదు

జీవితంలో నీకేదైనా జరగాలని 
బలంగా రాసిపెట్టి ఉంటె తప్పైనా ఒప్పైనా 
అది తప్పకా జరుగుతుంది..!

జరిగేది జరగక మానదు
తప్పకా జరిగేదైనప్పుడు
దాని నుండి తప్పించుకోలేవు
ఒకవేళ జరగకూడనిదైతే 
తలక్రిందుల తపస్సు చేసినా ఎన్నటికి జరగదు..!!

-నందు


Friday, August 12, 2016 - , , , , 1 comments

అబద్దాలే అమృతం

నిజాలెప్పుడు చేదుగానే ఉంటాయి
కాని అబద్దాలే అమృతం కన్నా తీయగా ఉంటాయి
-నందు


మనిషెప్పుడూ ఆకాశంలాగా ఉండాలి

ఆకాశం అన్నాక కొన్నిసార్లు 

ఇంద్రదనస్సు,వెన్నెల, 


కారుమబ్బులు,ఉరుములు, మెరుపులు, 


మేఘాలు,వర్షాలు కనిపిస్తుంటాయ్...


ఇవి ఉన్నా లేకపోయినా 


ఆకాశం మాత్రం అలానే ఉంటుంది...

మనిషి జీవితం కూడా అంతే...


ఇంద్రదనస్సు లాంటి సంతోషం, 


ఉరుముల్లాంటి కోపాలు,

కారు మబ్బులాంటి బాధలు,


వర్షాల్లాంటి కన్నీళ్ళు ఉంటాయ్...


ఇవి 
ఉన్నా లేకపోయినా 

జీవితం మాత్రం సాగుతూనే ఉంటుంది...

అందుకే మనిషి వచ్చిపోయే కాలంలాగా 

కాకుండా కలకాలం ఉండే ఆకాశంలా ఉండాలి


                                                  -నందు 


మౌన పోరాటం

ఎప్పుడు కనిపిస్తావోనని నేను,
ఎక్కడా కనిపించకూడదని నువ్వు...!
ఒక్కసారైనా మాట్లాడతావని నేను,
ఒక్క మాట కూడా మాట్లాడకూడదని నువ్వు...!!
ప్రియా ఎన్నాళ్లీ  పోరాటం ??
-నందు  



పిచ్చి మనసు

తనతో బయటికి వెళ్ళినప్పుడు 
ఎవ్వరూ గుర్తు పట్టకుండా స్కార్ఫ్ కట్టే దాన్ని,

కానీ ఇపుడు తను ఎక్కడ నన్ను గుర్తు పడతాడేమో అని 
మళ్ళీ స్కార్ఫ్ కట్టుకు తిరుగుతున్నా...

అయిన, నా పిచ్చి గానీ 

తను మొదట్లో నన్ను ఇష్టపడిందే నా కళ్ళని చూసి, 

మొహానికి ముసుగేసినంత మాత్రాన 
నా కళ్ళని గుర్తు పట్టలేడా ???
చెబితే  విననంటోంది  ఈ పిచ్చి మనసు
  
                               -నందు

 

నిన్ను మాత్రమే ప్రేమించాలనిపిస్తోంది

నువ్వెలా ఉంటావో తెలియదు,
కాని చూడాలనిపిస్తోంది.
నువ్వెక్కడుంటావో తెలీదు,
కాని నిన్ను కలవాలనిపిస్తోంది.
నీ స్వరమెలా ఉంటుందో తెలియదు,
కాని నువ్ మాట్లాడితే వినాలనిపిస్తుంది. 
ఎం చేస్తుంటావో తెలియదు,
కానీ నీ కోసం ఏమైనా చేయాలనిపిస్తోంది. 
నీ మనసులో నేనుంటానో  లేదో తెలియదు
కాని నిన్ను మాత్రమే ప్రేమించాలనిపిస్తోంది...
                                             -నందు 

కొన్ని అంతే...!!!

అవసరంతో చేసే స్నేహాలు
వ్యామోహంలో పడే ప్రేమలు
ఆవేశంలో ఇచ్చే వాగ్దానాలు
కోపంలో తీసుకునే నిర్ణయాలు
ఎక్కువ రోజులు నిలబడవు...
-నందు


సుఖసంతోషాలు

పుట్టినప్పటి నుండే సుఖాలకి అలవాటు పడిన 
ఈ జనరేషన్ పిల్లలకి ఎలా సుఖపడాలో తెలుసు,
కానీ సంతోషం అంటే ఏమిటో ఇప్పటికీ చాలా వరకి చాలా మందికి అర్థం కాదు...
కానీ దురదృష్టం ఏంటంటే 
తల్లిదండ్రులు కూడా ఈ సంబంధం చేసుకుంటే అమ్మాయి/అబ్బాయి 
జీవితంలో సుఖపడతారని ఆలోచిస్తున్నారే తప్ప 
జీవితాంతం సంతోషంగా ఉండగలరా అని ఒక్కసారి కూడా ఆలోచించటం లేదు..
సుఖానికి సంతోషానికి చాలా
తేడా ఉందిరాబ్బయ్...
-నందు
03/03/2016

కాదేది కవితకు అన్హరం..!!


బండికి గీతలు,

మొహానికి ముడతలు...!!

సముద్రంలో నీళ్ళు,

మనిషి కంట్లో కన్నీళ్ళు...!!

కామన్ అయిపోయాయ్

-నందు

ప్రేమ



ప్రేమ:
ప్రే అంటే ప్రేమించటం,
మ అంటే మర్చిపోవటం కాదు...  

ప్రేమ అంటే ప్రేమించటం
మ అంటే మర్చిపోలేనంతగా ప్రేమించటం..!!
ప్రేమ అంటే ప్రేమించటం
మ అంటే మనం ఇంకొకరిని ప్రేమించలేనంతగా ప్రేమించటం..!!!
-నందు

నేనోడిపోయా...!!!

నేనోడిపోయా,
నిన్ను గెలవటంలో..!
నన్ను నీలో వెతకటంలో..!!
గెలుస్తాననే నమ్మకం నాలో ఉంది..!
కానీ గెలుస్తానో లేదో నీ చేతిలో ఉంది..!!
-నందు

గుర్తుకురావటం-మర్చిపోకపోవటం

గుర్తుకురావటం వేరు,
మర్చిపోకపోవటం వేరు..
రెండింటికి చాల తేడా ఉంది,
చదవటంలో కాదు ఆలోచించటంలో...
-నందు
Tuesday, January 12, 2016 - 1 comments

గతాలు-జ్ఞాపకాలు


మర్చిపోయేవన్ని గతాలు కావు
గుర్తున్నవన్ని జ్ఞాపకాలు కావు
మర్చిపోకుండా చేసేవే జ్ఞాపకాలు
గుర్తుకు తెచ్చుకుందామని ప్రయత్నించినా 
గుర్తుకురానివే గతాలు..!!!
-నందు