Saturday, May 24, 2014 - , , 2 comments

"మనం"దరం చూడాల్సిన సినిమా:మనం...!!!




సీతమ్మ వాకిట్లో సిరిమల్లె చెట్టు, అత్తారింటికి దారేది, నేనొక్కడినే తర్వాత
నేను రివ్యూ రాసిన నాలుగవ సినిమా: "మనం"

మళ్ళి మన తెలుగు చిత్ర పరిశ్రమలో..
చాలా రోజుల తర్వాత మళ్ళి ఒక మంచి సినిమా 

ఎప్పుడు రొటీన్ గా 6 పాటలు, 4 పైట్లు, అవే కథలతో కాకుండా అప్పుడప్పుడు ఇలాంటి సినిమాలు కూడా వస్తాయ్, ఇక ముందు కూడా కొత్త రకమైన సినిమాలను  తీయొచ్చు అని మరోసారి చాటి చెప్పిన చిత్రం "మనం"

మంచి సినిమాలు రావట్లేదు అని గగ్గోలు పెట్టే జనాలకి కనులవిందు ఈ సినిమా...!!!

తెలుగు దర్శకుల్లో ప్రతిభకి కొదవలేదు అని మరోసారి నిరూపించిన చిత్రం "మనం"...!!! 

ఆ మధ్య కాలంలో వచ్చిన సీతమ్మ వాకిట్లో సిరిమల్లె చెట్టు, అత్తారింటికి దారేది సినిమాలు బంధాలు, అనుబంధాలు అనే అంశాలపై తీసి తెలుగు ప్రజల హృదయాని దోచుకుంటే... 
చాలా రోజుల తర్వాత మళ్ళి ఒక చక్కటి కుటుంబ చిత్రం "మనం"


హంగు ఆర్భాటాలకి పోకుండా, కథని, దర్శకుడ్ని నమ్మి సినిమా తీస్తే ఎలా ఉంటుందో అలా ఉందీ మనం...
అక్కినేని నాగేశ్వరరావు గారి నుండి నాగ చైతన్య వరకు,
శ్రీయ నుండి సమంతా వరకు... 
ఎవరికీ ఎవరు తగ్గకుండా పాత్రలకు రూపం పోసిన అందమైన కథాంశమే ఈ "మనం"...
అమితాబ్ బచ్చన్ గారు,అమల,అక్కినేని అఖిల్ వీళ్ళంతా మెరుపులా కనిపిస్తారు..

కాని దర్శకుడు విక్రమ్ కుమార్ కథని నడిపించిన విధానం అద్భుతం ఒక తరంని దృష్టిలో పెట్టుకుని సినిమా తీయటమే కష్టమైన ఈ రోజుల్లో మూడు తరాలను కలిపి రెండున్నర గంటల్లో ఒక అందమైన సినిమా తీసిన అతని పొగడకుండా ఉండలేం, 
మాటలు, ఫోటోగ్రఫీ, కెమెరా పనితనం, సంగీతం ఇలా అన్ని సరిగా కుదిరిన సినిమా అందమైన సినిమా "మనం"
ఖర్చుకి వెనకడుగు వేయకుండా ఎక్కడ కూడా తగ్గకుండా సినిమాని ఒక ఫ్రెష్ లుక్ లో ప్రెసెంట్ తీరు అమోఘం.. 

కథని నేను చెప్పదలుచుకోలేదు కాని చెప్పాలనుకున్నదల్లా ఒక్కటే 
"మనం" మంచి సినిమా 
కొన్ని సన్నివేశాలు హృదయాల్ని స్పృశిస్తాయి
తెలుగు చిత్ర పరిశ్ర్హమ లో "మనం" మరో మైలురాయి అవుతుందనటంలో ఎలాంటి సందేహం లేదు
అక్కినేని గారికి అశ్రునయనాలతో నివాళి అందించే అందమైన సినిమా
"మనం" మంచి ఫీల్ ఉన్న సినిమా...
కుదిరితే మీరు ఈ సినిమాని చూడండి ఇప్పుడు కాకపోయినా ఎప్పుడైనా సరే కాని చూడండి ఒక మంచి సినిమా చూసామన్న సంతృప్తి మాత్రం తప్పకుండా కలుగుతుంది..

మార్పును స్వాగతించండి మంచి సినిమాలను ఆదరించండి

-ఎ రివ్యూ బై నందు. 

2 comments:

Anonymous May 24, 2014 at 1:21 AM

మీ అభిప్రాయం తో ఏకీభవిస్తున్నాను. ఎన్నో రోజుల తరువాత ఒక మంచి సినిమా చూస్తున్న ఫీలింగ్. ఇలాంటి సినిమాలు మరిన్ని రావాలి. కథానాయకుడిని పవర్ ఫుల్ గా చూపించాలి అనే తాపత్రయం లో సినిమానే చంపేస్తున్న దర్శకులకి ఇదో పాఠం కావాలి

Anonymous May 29, 2014 at 9:45 AM

Hi there fгіends, nice artіcle aаnd good
arguments cߋmmented at this place, I аm rеally
enjoying by thеse.

Stop by my website; nifty bse index